Iemenniń burynǵy prezıdentin óltirip ketti
ASTANA. QazAqparat - Iemenniń burynǵy prezıdenti Alı Abdýllah Salıhty óltirip ketti, dep habarlaıdy Anadoly .
Agenttik bul aqparatty kezinde Alı Abdýllah Salıh ózi basqarǵan «Jalpy halyqtyq kongress» (JHK) partııasyna silteme jasap taratty.
«Ansarýllah» (hýsıtter) qozǵalysynyń kóterilisshileri Salıhtyń jasaǵyn týǵan qalasy - Sanhanǵa (Sanadan ońtústikke qaraı 40 shaqyrym) bara jatqan jolda toqtatqan. Kóterilisshiler Salıhty belgisiz baǵytqa alyp ketip, óltirgen.
Aıta keteıik, Iemende 2014 jyldan beri qarýly qaqtyǵys jalǵasyp keledi. Bul qaqtyǵysqa «Ansarýllah» sheıit qozǵalysynyń kóterilisshileri, taqtan túsirilgen Iemenniń prezıdenti Alı Abdýllah Salıhtyń jaqtastary, sondaı-aq qazirgi prezıdent Abdýrabbý Mansýr Hadıdiń úkimettik áskeri qatysyp jatyr.
