Iemennen taǵy bir Qazaqstan azamatshasy Reseıge jetkizildi
ASTANA. QazAqparat - Iemennen taǵy bir Qazaqstan azamatshasy Reseıge jetkizildi, dep habarlaıdy QR Syrtqy ister mınıstrliginiń baspasóz qyzmeti.
"Búgin, Astana ýaqyty boıynsha 13 saǵatta Qazaqstan azamatshasy Sahanova Gúlmıra Iemennen Reseı Federatsııasyna jetkizilgenin habarlaımyz. RF-tegi Qazaqstan Respýblıkasynyń konsýly jaǵdaıdy biledi jáne onyń kelýin kútýde. Qazirgi ýaqytta Iemendegi bizdiń azamattarymyzdan basqa ótinishter bolǵan joq", - delingen habarlamada.
Bunyń aldynda, senbi kúni reseılik ushaqpen Iemennen Máskeýge birneshe qazaqstandyq evakýatsııalanǵany habarlanǵan bolatyn.
Eske sala keteıik, Iemen elinde qazirgi tańda qarýly qaqtyǵystar oryn alýda. Saýd Arabııasynyń jetekshiligmen qurylǵan koalıtsııa áskerı avıatsııasy Iemen astanasy Sana qalasyn bombalaýdy qaıta bastady. Sanany jaýlap alǵan kóterilisshi hýsıtterge qarsy áskerı is-qımyldar 11 kún buryn bastalǵan.
Reseı Federatsııasy men Qyzyl Krest halyqaralyq uıymynyń qalaǵa medıtsınalyq dári-dármek pen gýmanıtarlyq kómek jetkizý, sondaı-aq beıbit azamattardy qaýipsiz jerge kóshirýge múmkindik berý týraly úndeýine qaramastan áýeden soqqy berý toqtatylǵan joq.
