Iemendik hýsıtter Qyzyl teńizdegi keme qatynasyna shabýyldy qaıta bastamaq
ASTANA. KAZINFORM – Taıaý Shyǵystaǵy Iran tóńiregindegi shıelenis kúsheıgen jaǵdaıda jaqyn arada shabýyldar jasalýy múmkin, dep habarlaıdy Kazinform agenttiginiń menshikti tilshisi.
Iran qoldaıtyn Iemendegi «Ansar Allah» qozǵalysy, ıaǵnı ıemendik hýsıtter, Izraılge jáne Qyzyl teńizdegi keme qatynasy baǵyttaryna zymyrandar men ushqyshsyz apparattar arqyly shabýyldardy qaıta bastamaq. Bul týraly Associated Press agenttigi qozǵalystyń eki joǵary laýazymdy ókilderine silteme jasap habarlady.
Habarǵa qaraǵanda, sheshim Iranǵa qoldaý kórsetý maqsatynda qabyldanǵan. Bir ókil alǵashqy soqqy birneshe saǵat ishinde jasalýy múmkin ekenin atap ótken. Alaıda jarııalanǵan sátke deıin qozǵalys jetekshiliginen resmı málimdeme bolmaǵan.
Buǵan deıin hýsıtter Donald Tramp ákimshiligimen jasalǵan kelisim aıasynda Qyzyl teńizdegi keme qatynasyna shabýyldaryn ýaqytsha toqtatqan bolatyn. Bul kelisim amerıkandyq soqqylardyń qozǵalys pozıtsııalaryna toqtatylýyn qarastyrǵan.
Sonymen qatar, 2025 jylǵy qazan aıyndaǵy atysty toqtatý kelisimi nátıjesinde Izraıl aýmaǵyna jasalǵan shabýyldar da toqtatylyp, Gaza sektoryndaǵy qaqtyǵystar qarqyny tómendegen edi.
Eske salsaq, senbi kúni tańerteń Izraıl Iranǵa soqqy jasap, Iran sol jaýap retinde soltústigi men ortalyq Izraılge zymyrandar atqan.
