Iemendik hýsıtter AQSh-tyń Sana men onyń mańyndaǵy aýdandarǵa 10 soqqy jasaǵanyn habarlady

ASTANA.KAZINFORM  - Birqatar áýe soqqysynan 16 adam zardap shekti, dep habarlaıdy Kazinform agenttiginiń menshikti tilshisi.

Iemendik hýsıtter AQSh-ty dúısenbige qaraǵan túni el astanasy Sana men onyń aınalasyna 10-ǵa jýyq soqqy berdi dep aıyptady.

Iemendik Al Masirah basylymynyń habarlaýynsha, sońǵy shabýyldar ál-Djaýf provıntsııasyndaǵy Hab jáne Esh-Shaaf aýdandary, Sanadaǵy Attan aýdany jáne Marıbtegi Ragvan aýdanyna baǵyttalǵan.

Hýsıttermen baılanysy bar Saba aqparat agenttiginiń habarlaýynsha, eki shabýyl el astanasyndaǵy Arbaın kóshesinde jáne bireýi áýejaıǵa baratyn jolda jasalǵan. AQSh soqqy jasady dep aıyptalyp jatyr.

Iemen úkimetiniń hýsıtter baqylaýyndaǵy densaýlyq saqtaý mınıstrliginiń málimetinshe, Savan aımaǵyndaǵy shabýyldan 16 adam jaralanǵan.

Crews embarked on USS Carl Vinson (CVN 70) and USS Harry S. Truman (CVN 75) resupply at sea and operate 24/7, targeting Iran-backed Houthi terrorists within Houthi controlled areas of Yemen.#HouthisAreTerrorists pic.twitter.com/TgT1dKEVcr

— U.S. Central Command (@CENTCOM) May 2, 2025

Soqqylar Izraıl premer-mınıstri Bınıamın Netanıahý hýsıtterge qarsy jaýap qaıtarýǵa jáne Iranǵa qarsy shara qoldanýǵa ýáde bergennen keıin jasaldy. Izraıl premer-mınıstriniń málimdemesi hýsıtter Tel-Avıvtegi Ben Gýrıon áýejaıyna ballıstıkalyq zymyranmen shabýyl jasaǵannan keıin birneshe saǵat ótken soń jasaldy.

Saldarynan halyqaralyq reıster toqtatylyp, alty adam zardap shekti.

Birneshe saǵattan keıin hýsıtter Izraıl armııasynyń Gaza sektoryndaǵy «basqynshylyq soǵysyn» keńeıtýine jaýap retinde onyń áýejaılaryn nysanaǵa alyp, Izraılge «áýe blokadasyn» salýǵa tyrysatyndaryn aıtty jáne áýe kompanııalaryn reısterin toqtatýǵa shaqyrdy.

Naýryz aıynan bastap AQSh áskeri Iemendegi áýe shabýyldaryn kúsheıtti.