Iemendegi jarylysqa «Ál-Kaıda» jaýapty
ASTANA. 6 jeltoqsan. QazAqparat - Iemen astanasy Sanadaǵy qorǵanys mınıstrligine shabýyl úshin jaýapkershilikti «Ál-Kaıda» óz moınyna aldy.
Aıta keteıik, beısenbidegi ózin ólimge tikken lańkes jarylǵysh zatymen mınıstrlik dýalynyń aldyna kirip kelgen. Jarylys jasalǵannan keıin artynsha qarýlanǵan sodyrlar kelip, atys bastalǵan. Shabýyl kezinde 50-den astamnyń ómiri qıyldy.
VVS-diń jazýynsha, opat bolǵandardyń ishinde eki sheteldik medıtsına qyzmetkeri men Iemen prezıdentiniń jaqyn týysqany bar kórinedi.
Atalǵan elde birneshe sheneýnikke mototsıkl mingen sodyrlar shabýyl jasaǵannan keıin engizilgen qaýipsizdiktiń qatań sharalaryna qaramastan «Ál-Kaıda» osy aktsııany uıymdastyryp otyr.
