Iemendegi jarylys saldarynan 30-dan astam polıtsııa kýrsanttary qazaǵa ushyrady
ASTANA. QazAqparat - Iemenniń ońtústiginde, Mýkalla portynda «Islam memleketi» toby múshesiniń ózin-ózi jaryp jiberýi saldarynan keminde 31 polıtsııa kýrsanty ajal qushty, dep habarlady Bı-bı-sı.
Jergilikti dárigerlerdiń aıtýynsha, keminde 60 adam jaralanǵan. Shabýyl ótken aıda qaıtadan úkimettik áskerler qolyna ótken Mýkallanyń shet jaǵynda bolǵan.
Resmı adamdardyń aıtýynsha, taǵy ekinshi jarylys bolǵan. Shabýyl jasaýshylar jergilikti qaýipsizdik qyzmetiniń bastyǵyn óltirmek bolǵan, biraq ta ol tiri qaldy, onyń alty kúzetshisi qazaǵa ushyrady.
Shabýyl Iemen úkimeti men kóterilisshi-hýsıtter arasyndaǵy beıbit kelissózder jaǵdaıynda boldy.
Bul eldegi aýqymdy áskerı janjal bir jyldan astam ýaqytqa sozylýda.
