Iemendegi ashtyq: Halyqtyń 82 paıyzy shuǵyl gýmanıtarlyq kómekke muqtaj
ASTANA. QazAqparat - Iemende ár on mınýt saıyn ashtyqtan nemese sapasyz medıtsınalyq kómek saldarynan bes jasqa deıingi búldirshinderdiń bireýi kóz jumady.
BUU deregi boıynsha, qazirgi tańda 21 mıllıon ıemendik, ıaǵnı halyqtyń 82 paıyzy shuǵyl gýmanıtarlyq kómekke muqtaj. Onyń úshten bir bóligi ashtyqtyń aýyr zardabyn tartýda. Eldegi qııan-keski urystar halyqaralyq gýmanıtarlyq kómekti jetkizýge kedergi keltirýde.
Eske sala ketsek, Iemende osymen úshinshi jyl qatarynan azamattyq soǵys júrip jatyr. Osy ýaqyt ishinde 10 myńnan astam adam qaza tapsa, sonyń jartysy - áıelder men balalar. Eldegi osyndaı qıyn jaǵdaıdy kóptegen terrorıstik uıymdar paıdalanyp qalýda.
«Qazir jarty mıllıon bala ashtyqtan zardap shegýde. Tipti ashtyqtan kóz jumyp jatyr. Olardyń sany kún sanap artýda. Men tek eldegi bir aýdandy aıtyp jatqan joqpyn, bul jaǵdaı Iemenniń soltústiginde, ońtústiginde, shyǵysy menen batysynda da oryn alýda», - deıdi «Bosqyndar isi jónindegi Norvegııa keńesi» úkimettik emes uıymynyń dırektory ıAn Egelann.
