Iemendegi hýsıtter men úkimet kúshteri arasyndaǵy qaqtyǵysta 80-nen astam adam qaza tapty
ASTANA. KAZINFORM - Iemendegi qarýly qaqtyǵystyń qaıta órshýi caldarynan adamdar ólip, halyq taǵy jappaı qonys aýdara bastady, dep habarlaıdy Kazinform agenttiginiń Taıaý Shyǵystaǵy menshikti tilshisi.
Beısenbiden beri Taız provıntsııasy men Qyzyl teńizdiń jaǵalaýyndaǵy aýdandarda hýsıtter men Iemenniń halyqaralyq deńgeıde moıyndalǵan úkimet kúshteri arasyndaǵy qaqtyǵystarda keminde 81 adammert boldy.
Bul týraly AFP áskerı jáne medıtsınalyq derekkózderge silteme jasap habarlady.
Olardyń málimetinshe, úkimet kúshterinen 39 adam qaza bolǵan. Hýsıtter baqylaýyndaǵy aýdandardaǵy medıtsınalyq derekkózder «Ansar Allah» qozǵalysynyń 42 múshesi mert bolǵanyn habarlady.
🔴 The Iran-backed Houthi militia launched missiles toward Yemen’s west coast on Thursday as fighting continues on two fronts in the southwestern province of Taiz, an Al Arabiya correspondent reports
— Al Arabiya English (@AlArabiya_Eng) September 3, 2026
🔴 Clashes are ongoing on the al-Kadha and Maqbana fronts, with the Houthis… pic.twitter.com/w5YeLTFrMc
Beısenbi kúni hýsıtter Taız provıntsııasynyń batys baǵyttarynda zymyrandar men ushqyshsyz ushý apparattaryn qoldanyp, shabýyl bastady. Keıin jerústi shabýyldaryna kóshti. 2022 jyldan bergi eń qııan-keski shaıqastar Makbana, Maýzea jáne Djabal-Habashı aýdandarynda boldy.
Hýsıtterdiń kúshteri birneshe ýchaskede alǵa jyljyǵany habarlandy. Úkimet kúshteri keıin joǵaltqan aýmaqtarynyń bir bóligin qaıtaryp alǵanyn jáne úsh ushqyshsyz ushý apparatyn atyp túsirgenin málimdedi. Eki tarap ta urys aımaǵyna qosymsha bólimsheler men áskerı tehnıkany jiberip jatyr.
Úkimet kúshteriniń málimetinshe, shabýyldyń negizgi maqsattarynyń biri Taızdi Qyzyl teńiz jaǵalaýyndaǵy Ál-Moha portymen baılanystyratyn jol bolǵan. Bul baǵyt azyq-túlik pen basqa da júkterdi tasymaldaýǵa, sondaı-aq úkimet baqylaýyndaǵy kúshterdi qamtamasyz etýge paıdalanylady.
BREAKING: Ansarallah (the Houthis) have initiated a large scale offensive into the Al-Khokha and Al-Mokha directions, controlled by Saudi-backed PLC fighters in western Yemen pic.twitter.com/cv7XTfwz76
— Open Source Intel (@Osint613) September 3, 2026
Ál-Moha aýdanynda Iemenniń burynǵy prezıdenti Alı Abdalla Salehtiń jıeni Tarık Saleh basqaratyn «Ulttyq qarsylyq» kúshteri ornalasqan. Joldan aıyrylý úkimet kúshteriniń jaǵdaıyn qıyndatyp, hýsıtterdiń Qyzyl teńiz jaǵalaýyndaǵy yqpalyn keńeıtýine múmkindik berýi múmkin.
Hýsıtterdiń ókili Al Jazeera telearnasyna bergen suhbatynda áskerı is-qımyldardyń, eń aldymen teńizdegi Iemendi «qorshaýdan shyǵýǵa» baǵyttalǵanyn málimdedi. Qozǵalys budan basqa málimet aıtpady.
Yemen announced new military exercises in the Red Sea.
— Press TV 🔻 (@PressTV) September 3, 2026
Mohammed Ali al-Houthi, a senior member of Yemen's Supreme Political Council, stated:
🔹 We are launching new exercises in the Red Sea to prepare for the next confrontation with the Zionist-American enemy. pic.twitter.com/X5eBQ341Dw
Iemen Prezıdenttik basqarý keńesiniń basshysy Rashad ál-Alımı hýsıtter baqylaýyndaǵy aýdandardaǵy taıpalardy óz uldaryn «Iran rejıminiń josparyna bola ólimge jibermeýge» shaqyrdy.
— Iemendikter «Iemenge qyzmet etpeıtin jobanyń otynyna» aınalmaýy kerek, — dedi ál-Alımı.
Qaqtyǵystar halyqtyń taǵy da jappaı qonys aýdarýyna sebep boldy. Maıdan shebine jaqyn ornalasqan lagerler men eldi mekenderden júzdegen otbasy kóship ketti. Keıbir turǵyndar úılerin ekinshi ret tastap ketýge májbúr boldy.
🇾🇪 Heavy fighting erupts in western Taiz as Ansarallah launches major offensive
— METRONIDAZOLE (@METRO_NIDAZOLE) September 4, 2026
Saudi-backed mercenaries and their families evacuating areas of western Taiz amid heavy fighting following an offensive by Ansarallah.
Yemeni forces advanced and seized several positions #yemen pic.twitter.com/0X73qYz08x
Tamyz aıynyń basynan beri hýsıtter Marıb, Taız, Hodeıda jáne Ad-Dalı provıntsııalarynda zymyran, ushqyshsyz ushý apparattary jáne jerústi kúshteri arqyly shabýyldaryn kúsheıtti.
Al Jazeera atap ótkendeı, qaqtyǵystyń odan ári órshýi Iemenniń negizgi maıdandarynda birneshe jylǵa sozylǵan salystyrmaly tynyshtyqtan keıin Saýd Arabııasynyń qaqtyǵysqa qaıta aralasýyna ákelýi múmkin.
Aıta keteıik, tamyz aıynda Iemen qarýly kúshteri bir táýlikte hýsıtterge qarsy 133 operatsııa júrgizdi.
