Iemende valıýta baǵamynyń turaqtylyǵyna qaramastan qolma-qol aqsha qat bolyp otyr
ASTANA. KAZINFORM - Úkimettiń rıaldy turaqtandyrýǵa baǵyttalǵan sharalary nátıje berip, ulttyq valıýta qunsyzdanýyn toqtatty. Alaıda elde jańa másele – ótimdilik daǵdarysy ýshyǵyp otyr, dep jazady AlJazeera.
Bankter men aıyrbastaý pýnktteri dollar men saýd rıalyn aıyrbastaýdan bas tartyp nemese óte tómen lımıt engizdi. Sonyń saldarynan bıznes toqyrap, turǵyndar tıimsiz baǵammen jumys isteıtin kóleńkeli naryqqa júginýge májbúr.
Jaǵdaı kúrdeli. Memlekettik qyzmetkerlerge jalaqy usaq kýpıýralarmen berilip jatyr. Al keıbir aýrýhanalarda tek jergilikti valıýta qabyldanatyndyqtan, ony tabý qıyndap, naýqastarǵa qyzmet kórsetýden bas tartý jaǵdaılary tirkelýde.
Aıta keteıik, osyǵan deıin Iran Ormýz buǵazy arqyly tranzıt úshin esep aıyrysýdy rıalmen júrgizýdi usynǵan bolatyn.
