Iemende tyrysqaqtan 2 myńǵa jýyq adam mert boldy
ASTANA. QazAqparat - Iemende tyrysqaqtan qaıtys bolǵan azamattar sany 1992-ge jetti, dep habarlaıdy Anadolý.Dúnıejúzilik densaýlyq saqtaý uıymynyń (DDSU) málimetteri boıynsha, epıdemııa bastalǵaly, ıaǵnı 27 sáýirden beri elde tyrysqaqqa shaldyǵýdyń 419 804-ke jýyq jaǵdaıy tirkeldi. Іndet elde 1992 adamnyń ómirin jalmady.
Adamdardyń naýqastan qaıtys bolý jaǵdaılary ásirese Haddja provıntsııasy men Hodeıda, Ibb jáne Taız qalalarynda kóp tirkeldi. Kesheden beri taǵy úsh adam aýrýdan kóz jumdy. Osyǵan deıin tyrysqaqtan 405 706 myń adam emdelip, aman qalǵan. Eki jyl boıyna elde júrgen qarýly qaqtyǵystardyń saldarynan memlekettiń ınfraqurylymy buzylyp, tyrysqaq aýrýynyń taraýyna barlyq alǵysharttar qalyptasty.
Úsh mıllıonǵa jýyq adam úı-jaıyn tastap ketýge májbúr. Elde taza sýǵa degen zárýlik pen qoqystardyń kóp jınalýy adamdardyń ómirine qaýip tóndirip otyr. Olar kez kelgen ýaqytta aýrý juqtyrýy múmkin.
