Iemende tártipsizdik barysynda 400-den astam adam zardap shekti
ASTANA. 4 sáýir. QazAqparat - Iemende sherýshiler men polıtsııanyń arasynda bolǵan qaqtyǵystar barysynda 400-den astam adam zardap shekti, dep habarlaıdy Utro.ru saıty.
Oppozıtsııa ókilderiniń aıtýynsha, Taız qalasynda ótken úkimetke qarsy sherýdi toqtatý úshin polıtsııa qyzmetkerleri kózden jas shyǵaratyn gaz ben atys qarýlaryn qoldanǵannan keıin, barlyǵy 409 adam zardap shekken. Buǵan deıin 250 adam týraly aıtylǵan bolatyn.
Iemen Prezıdenti Álı Abdýlla Saleh óziniń otstavkasyn talap etip otyrǵan oppozıtsııany bitimge shaqyrdy. «Biz bılikti tapsyrý máselesin talqylaýǵa ázirmiz, biraq tek konstıtýtsııanyń aıasynda», - dep málim etti Prezıdent.
Iemendegi buqaralyq sherýler qańtar aıynyń sońynan beri jalǵasýda. Halyq "sybaılas jemqorlyqqa belshesinen batqan bılik azyq-túlik baǵasyn aýyzdyqtaı almaı, jumyssyzdyqty sheshe almaı otyr" dep aıyptaýda.
