Iemende Taız qalasy úshin shaıqas kúsheıip barady
ASTANA. KAZINFORM — Iemende iri qalalar mańynda jáne Qyzyl teńiz jaǵalaýynda shaıqastar kúsheıip barady, dep habarlaıdy Kazinform agenttiginiń menshikti tilshisi.
Saýd Arabııasynyń áýe kúshteriniń qoldaýymen halyqaralyq deńgeıde tanylǵan Iemenniń úkimettik kúshteri Taız mańynda jáne eldiń batys jaǵalaýynda hýsıtterdiń shabýylyn toıtaryp keledi. Al Jazeera arnasynyń habarlaýynsha, hýsıtter qalaǵa qaraı jyljýǵa tyrysyp jatyr, al úkimet kúshteri Bab ál-Mandeb buǵazy mańyndaǵy aýmaqty qaıtaryp alý operatsııalaryn júrgizip jatyr.
Qaqtyǵystyń negizgi aımaqtarynyń biri Taız janyndaǵy Sabır taýynyń bıiktikteri bolyp otyr. Hýsıtter taýda strategııalyq mańyzdy oryndy basyp alǵany týraly habarlar tarady. Eger olar alǵa jyljı berse, qala úshin shaıqasta utymdy pozıtsııalardy ıelenýi múmkin.
Degenmen naqty qaı oryndarǵa baqylaý ornata alǵany belgisiz.
Heavy clashes have been reported between Houthi fighters and Yemeni- forces near the strategic southern city of Taiz. Al Jazeera’s Yousef Mawry reports from Sanaa on what losing the city could mean for Yemen’s internationally recognised government. https://t.co/3t1ahv2cg2
— Al Jazeera English (@AJEnglish) October 12, 2026
Hýsıtter birneshe baǵyttan shabýyldap, úkimet pozıtsııalaryna qysym jasap otyr. 10 qazanda olar qalanyń shyǵys jáne soltústik-shyǵys tusynan ártúrli qarý túrlerin jáne qarqyndy artıllerııany qoldana otyryp shabýyl jasady.
Footage released by the Houthis in Yemen shows clashes with Saudi-backed government forces near Taiz. They key province has long been a flashpoint in Yemen's war, with Houthi forces having effectively encircled the government-controlled city https://t.co/NaZvISjjxf
— Middle East Eye (@MiddleEastEye) October 11, 2026
Úkimet kúshteri birneshe aımaqtaǵy shabýyldardy toıtara aldy, sodan keıin hýsıtterdiń pozıtsııalary men ál-Qasr men Ýsaıfır aımaqtarynda shoǵyrlanǵan kúshterine áýeden soqqy jasady.
Sonymen qatar, úkimet kúshteri batys jaǵalaýdaǵy Dýbab jáne ál-Vazııa aımaqtarynda operatsııa júrgizip otyr. Saýd Arabııasynyń áýe kúshteriniń qoldaýymen úkimettik kúshter qyrkúıek aıynda hýsıtter basyp alǵan aýmaqtardy qaıtaryp alýǵa jáne Bab ál-Mandeb buǵazy mańyndaǵy pozıtsııalaryn nyǵaıtýǵa bel býǵan.
Jerdegi shaıqas údegen tusta hýsıtter baqylaýyndaǵy BAQ áýe shabýyldarynyń aýmaǵy keńeıgenin jaza bastady.
Dúısenbi kúni keshke Iemenniń Saba aqparat agenttigi Sana provıntsııasyndaǵy Hamdan aýdanyna jáne Taız provıntsııasyndaǵy Haıfan aýdanyna shabýyl jasalǵanyn habarlady. Keı habarlamalarda eldiń ońtústik-batysyndaǵy astana áýejaıyna baratyn jolǵa jáne turǵyn úılerge shabýyl jasalǵany aıtyldy.
Agenttiktiń málimeti boıynsha, 11 qazanda Sanadaǵy áýe shabýylynda bir bala qaza tapty, alty adam jaralandy, al Taızdegi úıge jasalǵan shabýylda taǵy úsh beıbit turǵyn jaraqat aldy.
Hýsıtter baqylaýyndaǵy Densaýlyq saqtaý mınıstrligi 3 qyrkúıekte bastalǵannan beri kem degende 272 adamnyń qaza tapqanyn habarlady.
Hýsıtter sonymen qatar Saýd Arabııasy sońǵy 24 saǵat ishinde Iemenge 124 márte áýeden soqqy jasady dep málimdedi. Hýsıtterdiń syrtqy ister vedomstvosy Saýd Arabııasy jańa qarymta shabýyldan qaýiptengendikten operatsııany jalǵastyryp otyrǵanyn aıtady.
— Eger Saýd Arabııasy Iemendegi agressııasyn toqtatpasa, jaǵdaı nasharlaı bermek, — delingen Al Masirah telearnasy taratqan málimdemede.
Sonymen qatar, Irannyń syrtqy ister mınıstri Abbas Aragchı saýdııalyq áriptesimen áńgimesinde Tegerannyń Saýd Arabııasy men Iemen arasyndaǵy dıalogty jeńildetýge daıyn ekenin bildirgen.
Eske sala keteıik, buǵan deıin Kazinform Saýd Arabııasy men hýsıtter arasyndaǵy qaqtyǵysqa saraptama jasaǵan bolatyn.
Eske salsaq Qazaqstan hýsıtterdiń Saýd Arabııasyndaǵy shabýyldaryn qatań aıyptaǵan edi.
