Iemende óziniń «Romeosymen» toıyn ótkizý úshin úıinen qashyp ketken «Djýlettany» sottaýda
ASTANA. 26 qarasha. QazAqparat - Iemendegi BUU bosqyndar isi jónindegi Joǵarǵy komıssary basqarmasy (BJKB) mahabbaty úshin óz elinen qashyp ketken Saýd Arabııasynyń 22 jastaǵy Hýda esimdi azamatshasyn óz qorǵaýyna aldy. Qyzdyń ata-anasy onyń súıiktisimen qosylǵanyn maquldamady, sondyqtan qos ǵashyq óz baqytyn jat elde synamaq boldy.
Ǵashyqtar Iemende úılenbek bolǵan. Alaıda, toıdyń ornyna olar zańsyz mıgranttardy ýaqytsha ornalastyrý ortalyǵynan bir shyqty, dep habarlaıdy BıBıSı.
Qyzǵa shekaradan zańsyz ótken, al onyń Arafat esimdi súıiktisine osy qylmysqa járdemdesken degen aıyp taǵylǵan. Degenmen, jas jigittiń qorǵaýshysy onyń Iemenge Hýdadan keıin kelgenin dáleldep, soǵan baılanysty oǵan taǵylǵan aıyp alynyp tastaldy. Al sorly qyz sot úkimin kútip otyr. Aıyby rastalǵan jaǵdaıda qashqyn qyz otanyna deportatsııalanýy tıis, al elinde ony ashýly týystary tosýda.
Qashqyn qyzǵa qatysty sottyń birinshi otyrysy jeksenbi kúni ótti. Alaıda, qazirgi zamanǵy Romeo men Djýlettanyń ári qaraıǵy taǵdyry týraly eshqandaı sheshim shyǵarylǵan joq. Sol kúngi sot otyrysyna ójet qyz ben jigitti qoldaýǵa júzdegen adam jınaldy. Olar jastardyń úılenýine ruqsat berýdi talap etti.
Sottyń kezekti otyrysy 1 jeltoqsanǵa belgilengen.
