Iemende qadaǵalaý beketine shabýyldan 20 sarbaz mert boldy
ASTANA. QazAqparat - Iemenniń ońtústik-shyǵysynda qadaǵalaý-ótkizý beketine shabýyldyń saldarynan 20 sarbaz ajal qushty.
Bıliktiń habarlaýynsha, tańerteńgilikte olardyń beketine qarýlanǵan bir top adam shabýyldaǵan kezde sarbazdardyń basym bóligi uıqyda bolǵan kórinedi.
VVS-diń jazýynsha, ázirge osy oqıǵa boıynsha eshkim jaýapkershilikti óz moınyna alǵan joq. Áskerılerdiń paıymynsha, bul shabýylǵa Iemendegi «ál-Kaıda» bólimshesi qatysty bolýy yqtımal.
Osy qantógis oryn alǵan Hadramýt provıntsııasy Arabııa túbegindegi «ál-Kaıdanyń» bekinisi bolyp tabylady.
