Iemende hýsıtterdi terrorıstik uıym dep taný týraly zań kúshine endi

ASTANA. KAZINFORM — Iemen úkimeti hýsıtterdi «terrorıstik uıym» dep tanyp, olardyń kez kelgen qyzmeti men qarjylandyrylýy úshin qylmystyq jaýapkershilik qarastyratyn zańnyń kúshine engenin málimdedi. Bul týraly Anadolu agenttigi jazdy.

Iemende hýsıtterdi terrorıstik uıym dep taný týraly zań kúshine endi
Foto: Hani Mohammed

Iemenniń SABA aqparat agenttigi áleýmettik jelilerde jarııalaǵan málimetke qaraǵanda, Iran qoldaıtyn hýsıtterdi «terrorıstik uıym» dep jikteıtin 2026 jylǵy № 1 zań 18 qarasha, sársenbi kúni kúshine endi.

Jańa zańda beıbit turǵyndarǵa shabýyl jasaǵany jáne halyqaralyq teńiz qatynasynyń qaýipsizdigine qater tóndiretin áreketteri úshin jazany qatańdatý kózdelgen.

Sondaı-aq qujat hýsıtter qozǵalysyn qarjylandyrý kózderin toqtatýǵa jáne oǵan qatysy bar adamdardy jaýapqa tartýǵa baǵyttalǵan.

Sonymen birge Iemen bıligi zańdy iske asyrý kezinde zańdy gýmanıtarlyq kómek pen kommertsııalyq qyzmettiń qorǵalatynyna kepildik berdi.

Hýsıtterdiń kútpegen shabýylynan keıin álem nazary taǵy Iemenge aýdy. Hýsıt jasaqtary Bab ál-Mandab buǵazyna jaqyndap, álemdik saýdada asa mańyzdy bolyp sanalatyn baǵyttardyń birine qaýip tóndirdi. Iemenge jaqtasatyn Saýd Arabııasy jergilikti bılik joǵaltqan aýmaqtardy qaıtarý úshin qarymta shabýylǵa shyqqanyn jarııalady. Hýsıtter qalaısha ońtústikke sonshalyqty jyldam ishkerilep ketti, Er-Rııadtyń jaýaby qanshalyqty aýqymdy bolýy múmkin? Kazinform agenttiginiń halyqaralyq sholýshysy Sultan Ákimbekov osy suraqtarǵa jaýap izdep kórdi.

Eske salaıyq, buǵan deıin Iemen úkimetiniń qarýly kúshteri eldiń ýaqytsha astanasy sanalatyn Aden qalasynyń qorǵanysyn kúsheıtý maqsatynda Bab ál-Mandab buǵazy mańyndaǵy áskerin shegindiretinin málimdegen edi.