Iemende eń kóne Quran nusqasy men ımam Álıdiń qylyshy tabyldy
ASTANA. 15 qazan. QazAqparat - Iemendik bir jas jigit ózi týyp-ósken qaladan ımam Álı ıbn Ábý Tálipke tıesili qylysh pen eń kóne Quran taýyp aldy.
Ol bul jádigerlerdi 12 mıllıon ıemen rıalyna (60 myń dollarǵa) da satpaı otyr. Bul týraly Astanadaǵy Áziret Sultan meshitiniń resmı saıty bolyp tabylatyn muslim.kz jazady.
«Jádigerler Adalııa qalasynyń ońtústigindegi jetýi qıyn shatqaldardaǵy úńgirlerdiń birinen tabylǵan. Qurannyń alǵashqy betinde «Hıjra jyl sanaýy boıynsha 200-shi jyly Allahtyń járdemine muqtaj quldyń qolymen jazylǵan» degen jazý bar. Kitap balaýyz jaǵylyp, terimen oralǵan. Kıeli jazbanyń mátininde hárakáttardyń bolmaýynan onyń qazirgi kóne Qurandardyń ishindegi eń kónesi ekeni dáleldenip otyr. Muny ǵalymdar da rastaýda. Qurannyń qasynan tabylǵan qylyshtyń jezden jasalǵan sabynda arabsha «Zúlpyqar» dep jazylǵan. Bul - Paıǵambarymyz Muhammed Mustafanyń (s.a.ý.) Álı ıbn Ábý Tálipke syılaǵan qylyshy», - dep jazady muslim.kz saıty.
