Iemende bomba qoıylǵan kólik jarylyp, 5 adam qaza tapty
ADEN. QazAqparat - Iemenniń ońtústiginde ornalasqan Aden qalasynda jeksenbi kúni bolǵan jarylystan bes adam qaza tapty, dep habarlaıdy QazAqparat Al Arabiya telearnasyna silteme jasap.
Mert bolǵandardyń barlyǵy beıbit turǵyndar. Jarylystan taǵy bes adam zardap shekti.
Aden ortalyǵyndaǵy Et-Tavahı aýdanynda bomba qoıylǵan kólik jarylǵan. Telearna dereginshe, jarylys qala bıliginiń ókilderi otyrǵan avtokerýenge baǵyttalǵan.
Kortejde Aden ákimshiliginiń basshysy men Iemenniń aýyl sharýashylyǵy mınıstri boldy. Qala basshysy da, mınıstr de zardap shekken joq.
