Iemende bolǵan áýe soqqylarynyń saldarynan 80-nen astam adam mert boldy
ASTANA. QazAqparat - Iemende bolyp jatqan qaraly protsessııa kezinde Saýd Arabııasy bastaǵan koalıtsııanyń áskerı-áýe kúshteri shabýyldarynyń saldarynan 82 adam mert boldy, dep habarlaıdy QazAqparat Rosbalt saıtyna silteme jasap.
Densaýlyq saqtaý mınıstriniń mindetin atqarýshy Gazı Ismaıldyń sózinshe, taǵy 534 adam túrli dárejedegi dene jaraqattaryn alǵan. Mınıstr qurban bolǵandar sanynyń artatynyn aıtyp otyr.
Bul oqıǵa Iemen astanasy Sanada kóterilisshi-hýsıtterdiń eń joǵary ókilderiniń birin jerleý rásiminde bolǵan.
Qazirgi tańda Iemen astanasy kóterilisshi-hýsıtterdiń baqylaýynda. 2015 jyldan beri olardyń pozıtsııalaryn Saýd Arabııasy bastaǵan, úkimetti qoldaıtyn arab koalıtsııasy shabýyldaýda. Áskerı qaqtyǵystyń ózi 2014 jyldan beri júrip jatyr.
BUU málimetteri boıynsha, 2015 jyldyń naýryz aıynan beri Iemende 6,6 myńnan astam adam qurban boldy. El turǵyndarynyń 80 paıyzdan astamy gýmanıtarlyq kómekti qajet etedi, dep habarlaıdy Al Jazeera.
