Iemende «Ál-Kaıdanyń» 800-ge jýyq sodyry joıyldy
ASTANA. QazAqparat - Arab koalıtsııasy men Iemen úkimeti áskerleriniń shabýyly kezinde «Ál-Kaıda» tobynyń kem degende 800 sodyry, sonyń ishinde birneshe kóshbasshysy óltirilip, tiri qalǵandary qashty. Bul týraly AFP habarlaıdy.
«Іs-qımyldar kezinde «Ál-Kaıdanyń» 800-den astam múshesi jáne keıbir kóshbasshylary joıyldy. Qalǵandary qashyp úlgerdi», - dep málimdedi koalıtsııa komandovanıesiniń ókilderi.
Buǵan deıin áskerıler bir jylǵa jýyq ýaqyt sodyrlardyń qorǵany bolǵan El-Mýkalla qalasyn azat etti. Buǵan deıin Saýd Arabııasy bastaǵan koalıtsııa kúshteri toptyń qaladaǵy shtab-páterine soqqylar jasady.
