Iemende «Ál-Kaıda» terrorlyq uıymynyń bes basshysy qolǵa tústi
ASTANA. QazAqparat - Iemen armııasynyń terrorısterge qarsy kúres bólimshesi eldiń ońtústigindegi Arabııa jarty aralyndaǵy Hardamaýt provıntsııasynda «Ál-Kaıda» terrorlyq uıymynyń múshelerin ustaý operatsııasyn júrgizdi.
Bul týraly Iemen úkimetine qoldaý bildiretin arabııalyq koalıtsııanyń shtaby habarlady.
Qolda bar aqparatqa qaraǵanda, jumadan senbige qaraǵan túni ótkizilgen operatsııaǵa arnaıy ásker men avıatsııa tartylǵan.
Jedel qımyldyń nátıjesinde lańkestik uıymnyń bes basshysy ustalǵan. Olardyń kópshiligi - ár elden kelgen jaldamalylar. Radıkaldar Iemenniń ońtústiginde terakti jasamaq bolǵan. Olardan qarý-jaraq, tehnıka jáne jarylǵysh zattar tabyldy.
Iemen áskerleriniń qolyna túsken dala komandırleriniń arasynda ıemendik "az-Zarkaýı" atymen belgili bolǵan ekstremısterdiń basshysy bar.
