Iemende 7 mln adamǵa asharshylyq qaýpi tóndi
ASTANA. QazAqparat - Úsh jyldan beri qarýly qaqtyǵys tolastamaı turǵan Iemen turǵyndaryna asharshylyqtyń qaýpi tónip keledi. Bul jaıly Oxfam halyqaralyq gýmanıtarlyq birlestiginiń resmı saıty jazdy.
Oxfam-nyń málimdeýinshe, Iemendegi qaqtyǵystar bastalǵaly beri 5300 adam qaza taýyp, úsh mıllıonnan astam adam bosyp ketken, bir mıllıonǵa jýyq adam tyrysqaq aýrýynan zardap shegip otyr.
Iemenniń negizgi porttarynyń qorshaýda qalýy azyq-túlikti kúrt qymbattatyp jiberdi. Bul elde jeti mıllıonnan astam adam asharshylyqtyń aldynda tur.
«Iemenniń tyrysqaq indeti taralǵan qalalary men eldi mekenderinde aýyz sý joq. Aýrýhanalarda dári-dármek taýsylǵan, dıfterııaǵa jaldyǵý jaǵdaılary jıilep ketti», - delingen habarlamada.
Iemende 2014 jyldan beri qarýly qaqtyǵys jalǵasyp keledi.
