Iemen jaǵalaýynda 76 mıgrant qaza tapty
ASTANA. KAZINFORM — Iemen jaǵalaýynda Efıopııadan shyqqan mıgranttar mingen qaıyq Aden shyǵanaǵynda sýǵa ketip, keminde 76 adam kóz jumdy, dep habarlaıdy DW.
Taǵy ondaǵan adam iz-tússiz joǵalǵandar qatarynda.
Qaıǵyly oqıǵa Iemenniń Abıan provıntsııasy mańynda bolǵan. Birikken Ulttar Uıymynyń málimetinshe, qaıyqta barlyǵy 157 adam bolǵan. Olardyń tek 12-si ǵana aman qalǵan.
Halyqaralyq kóshi-qon uıymynyń Iemendegi mıssııasynyń jetekshisi Abdýsattor Esoevtiń aıtýynsha, joǵalyp ketkenderdiń taǵdyry áli belgisiz.
Afrıkalyq mıgranttar Saýd Arabııasy men Parsy shyǵanaǵy elderinde jumys tabý maqsatynda Djıbýtı men Erıtreıa arqyly teńiz jolymen Iemenge ótpek bolady.
Halyqaralyq kóshi-qon uıymynyń dereginshe, 2024 jyly bul baǵytty 60 myńnan astam adam tańdaǵan. 2023 jyly Qyzyl teńizde kem degende 558 mıgrant qaza tapqan, onyń 462-si qaıyq apatynan bolǵan.
Osydan buryn Izraıl Iemenniń Hodeıda portyna soqqy bergeni anyqtaldy.