Iemen turǵyndary BUU ǵımaraty aldynda narazylyq aktsııasyn ótkizdi
ASTANA. QazAqparat - Iemen astanasy Sana qalasynyń turǵyndary jeksenbi kúni BUU keńsesiniń aldynda 100-den astam adamdardyń qurban bolyp, taǵy birneshe júz adamnyń jaraqat alýyna alyp kelgen áýe soqqysyna baılanysty narazylyq aktsııasyn ótkizdi, dep habarlaıdy QazAqparat ria.ru saıtyna silteme jasap.
Senbi kúni Iemen astanasynda ótip jatqan qaraly jıynǵa áýeden soqqy berliýine baılanysty BUU málimetteri boıynsha, 140 adam mert bolyp, 525 adam zardap shekti. Basqa málimetter boıynsha, qurban bolǵandardyń sany 213 adamǵa jetti. Kóterilisshi-hýsıtter atalǵan soqyǵa baılanysty Saýd Arabııasy bastaǵan arab koalıtsııasyn aıyptaǵan bolatyn. Al, koalıtsııa ókilderi bul shabýylǵa qatyspaǵandyqtaryn málimdedi.
Demonstratsııa jónindegi kadrlardy jeksenbi kúni tikeleı efırde kóterilisshilerdiń Al Masirah telearnasy kórsetti. Onyń málimetteri boıynsha, «Yzanyń býlyǵýy» (Nashestvıe výlkana) degen ataýmen ótken sherýge Saýd Arabııasynyń árekettterin aıyptaǵan plakattar men Iemen týyn kótergen ondaǵan myń adam shyqty.
Sherýge shyqqandar kóterilisshilerdiń ókilderi BUU eshqandaı amal qoldanbaı otyrǵandyǵyna narazylyq bildigen. Olar osy shabýylǵa qarymta qaıtarý qajetigin aıtýda. Hýsıtterdiń revolıýtsııalyq komıtetiniń basshysy Mohammad Alı ál Hýsı «kúsh kórsetýshilerge» qarsy shyǵatyn jaýyngerlerdi daıyndaıtyn jańa lagerler ashý qajettigin aıtqan, dep habarlady kóterilisshilerdiń telearnasy.
