Iemen teńizinde qaıyq aýdarylyp, 20 adam qaıtys boldy
ASTANA. KAZINFORM — 18 qańtar kúni Djıbýtıden shyqqan qaıyq Iemenniń Taız provıntsııasy mańyndaǵy teńizde aýdarylyp, saldarynan 20 efıopııalyq mıgrant qaza tapty. Bul týraly Halyqaralyq mıgratsııa uıymy habarlady.
Uıymnyń málimdeýinshe, qaıtys bolǵandardyń ishinde 9 áıel men 11 er adam bar. Jalpy qaıyqta 35 efıopııalyq mıgrant, sondaı-aq ıemendik kapıtan men onyń kómekshisi bolǵan.
Qaıǵyly oqıǵa bolǵan kezde teńizde qatty jel men tolqyn bolǵany atap ótildi.
Halyqaralyq mıgratsııa uıymynyń málimetinshe, 2024 jyly Iemenge 60 myńnan astam zańsyz mıgrant kelgen. Iemenniń jaǵalaý sýlary álemdegi eń qaýipti mıgratsııa baǵyttarynyń biri sanalady.
2014 jyldan beri Iemenge baǵyttalǵan kóshi-qon jolynda 3435 ólim men joǵalý oqıǵasy tirkelgen, onyń ishinde 1416 adam sýǵa batyp ketken.
Buǵan deıin Grekııada mıgranttar mingen qaıyq apatqa ushyrap, 8 adam qaıtys bolǵanyn jazylǵan.