Iemen prezıdentin memleketke opasyzdyq jasaǵany úshin ólim jazasyna kesti
ASTANA. QazAqparat - «Ansar Alla» sheıitter qozǵalysynyń quramyndaǵy hýsıt-baskóterýshileriniń baqylaýynda turǵan Iemen astanasy Sanada qarýly top ókilderi ózderiniń jaýy, el prezıdenti Abd Rabbo Mansýr Hadıdi memleketke opasyzdyq jasaǵany úshin ólim jazasyna kesti, dep habarlaıdy «Rosbalt».
Reuters agenttiginiń málimetteri boıynsha, saıasatkerge agressor memleket - Saýd Arabııasy men onyń odaqtastaryna qoldaý kórsetti degen aıyp taǵylyp otyr.
Memleketke opasyzdyq jasaǵany úshin ólim jazasy Iemenniń taǵy 6 joǵary dárejeli shendisine berildi. Olardyń arasynda respýblıkanyń AQSh-taǵy elshisi Ahmed Avad bın Mýbarak pen eldiń burynǵy Syrtqy ister mınıstri Rııad ıAsın de bar.
Iemende 2014 jyldan beri úkimet áskeri men hýsıtter arasynda qaqtyǵystar jalǵasyp keledi. Osy shıelenisterdiń nátıjesinde 40 myńnan astam adam jer jastanyp, 19 mln adam shuǵyl gýmanıtarlyq kómekke zárý bolyp otyr.
