Iemen prezıdenti kóterilisshilerdiń astanany jaýlap alǵanyna baılanysty otstavkaǵa ketti
ASTANA. QazAqparat - Iemen prezıdenti Abd Rabbo Mansýr Hadı "Ansar Allah" qozǵalysynyń shııt kóterilisshileriniń Iemen astanasyn basyp alǵandyǵyna baılanysty otstavkaǵa ketý sheshimin qabyldaǵanyn aıtty, dep habarlady bahreındik "Al-Vasat" gazeti Iemen prezıdenti janyndaǵy aqparat kózine silteme jasap.
Bul týraly RIA «Novostı» jazdy.
Aldymen parlament ony qabyldaýdan bas tartqan. Keıin senbi kúni bul másele boıynsha daýys berý jıynyn ótkizý sheshimin qabyldady. Arab BAQ ókilderi Halıd Mahfýz Bahah bastaǵan ıemendik úkimet otstavkaǵa ketý týraly ótinish jazǵanyn habarlady. Memleket basshysy men hýsıtter olardyń bılikke kirýi týraly sheshimge kelgennen keıingi kúni el bıligi oryndaryn bosatýdy jón dep tapty.
Hýsıtter uıymdastyrǵan úkimetke qarsy sharalar elde ótken jyldyń tamyz aıynyń ortasynda bastalǵan.
