Iemen Izraıl shabýyldaryna sheshýshi jaýap berdi

Bul týraly Iemendegi «Ansar Allah» qozǵalysy saıası bıýrosynyń múshesi Hazam ál-Asad málimdedi, dep habarlaıdy IRNA.

«Ansar Alla» saıası bıýrosynyń múshesi Izraıldiń sońǵy kezdegi agressıvti áreketterine toqtalyp, qozǵalystyń sheshýshi jaýap berýge daıyn ekenin málimdedi.

Asad ıemendikterdiń Izraıl, AQSh jáne Ulybrıtanııaǵa qarsy keń aýqymdy kúreste ekenin basa aıtyp, agressııaǵa jaýap berý úshin kóptegen nusqalary bar ekenin atap kórsetti.

«Izraıl rejımi Iemennen bul basqynshylyqqa qatań jaýap kútýi kerek», - dedi ol.

Buǵan deıin habarlaǵanymyzdaı, AQSh Iemen astanasyna áýeden soqqy jasady.

Iemen Tel-Avıv pen Eılat portyna ushqyshsyz ushaqtarmen soqqy jasady.