Iemen basshysy elde 90 kúnge tótenshe jaǵdaı jarııalady
ASTANA. KAZINFORM — Iemen Prezıdenttik basshylyq keńesiniń tóraǵasy Rashad Muhammed ál-Alımı seısenbi kúni memlekettik qaýipsizdik pen qoǵamdyq tártipti qamtamasyz etý qajettigin alǵa tartyp, búkil el aýmaǵynda 90 kún merzimge tótenshe jaǵdaı jarııalady, dep habarlaıdy Saba.
Memlekettik Saba aqparat agenttigi taratqan resmı málimdemege sáıkes, bul sheshim eldegi barlyq porttar men shekaralyq ótkelderde áýe, teńiz jáne qurlyq arqyly qatynasty qamtıtyn 72 saǵattyq embargo engizýdi kózdeıdi. Embargo dereý kúshine enedi.
Sondaı-aq ál-Alımı Birikken Arab Ámirlikterimen (BAÁ) jasalǵan qaýipsizdik jónindegi kelisim kúshin joıdy. Bul sheshim BAÁ qoldaıtyn Ońtústik ótpeli keńestiń Hadramaýt pen Ál-Mahra provıntsııalaryndaǵy eleýli aýmaqtardy basyp alýynan keıin qabyldanǵan.
Ol eki provıntsııadan áskerdi 24 saǵat ishinde shyǵarý jóninde buıryq berdi.
Eske sala ketsek, Iemendegi zańdylyqty qalpyna keltirý koalıtsııasy Birikken kúshteriniń qolbasshylyǵy Iemenniń Ál-Mýkalla portynda sheteldik áskerı kómek tıelgen júkke áýeden shabýylyn jasady.
