Iemen aýmaǵynan Mekke baǵytynda zymyran ushyryldy
ÁBÝ-DABI. QazAqparat - Iemende soǵysyp jatqan arab elderiniń koalıtsııasy Iemenniń shııt jasaǵy ushyrǵan ballıstıkalyq zymyrandy erte anyqtap, dittegen jerine jetkizbeı joıǵanyn málimdedi, dep habarlady «QazAqparat» HAA-nyń Taıaý Shyǵystaǵy menshikti tilshisi.
Saad provıntsııasynan ushyrylǵan zymyran Saýd Arabııasynyń qasıetti qalasy Mekkeden 65 shaqyrym jerde joıyldy jáne ol musylmandardyń qasıetti jerine bet alǵan-mys.
«Hýsıtterdiń» qatysýymen bolýy múmkin bul oqıǵany alty el: Bahreın, Kýveıt, Birikken Arab Ámirligi, Katar, Saýd Arabııasy men Oman synǵa aldy.
Mysyrlyq áskerı sarapshy Hısham Al Halabı snarıad «jer-jer» sanatyndaǵy Scud ballıstıkalyq zymyrany bolyp tabylatyndyǵyn atap ótti. Onyń baǵalaýynsha, zymyrannyń joıý radıýsy 300 shaqyrymnan asady jáne ol jerdegi nysandardy kúl-talqan etedi.
