Iemen aýmaǵynda zardap shekken qazaqstandyqtar jaıly málimet túsken joq — SІM

ASTANA. KAZINFORM — Syrty ister mınıstrliginiń resmı ókili Aıbek Smadııarov Iemen aýmaǵynda zardap shekken qazaqstandyqtar týraly málimet ázirge túspegenin aıtty.

«Bizdiń qolda bar aqparatqa sáıkes, Iemenniń aýmaǵynda konsýldyq esepte turǵan Qazaqstannyń azamattary joq. Sondyqtan qandaı da bir zardap shekken Qazaqstannyń azamaty týraly aqparat kelip túsken joq», — dedi Aıbek Smadııarov.

Eske salsaq, 12 qańtarda AQSh pen Ulybrıtanııanyń áýe jáne áskerı kemeleri Iemendegi kóterilisshi hýsıtter tobyna soqqy jasaı bastady.