Iemen áskeriniń qolbasshysy óltirildi
ASTANA. 18 maýsym. QazAqparat - Iemende lańkester ońtústik baǵyttaǵy áskerılerdiń qolbasshysy Salem Alı Katandy óltirdi,
dep habarlady RBK.
Lańkestik oqıǵa úkimettik bıliktiń jaǵdaıdy qalypty deńgeıge keltirdik degen kezde oryn aldy.
Bı-Bı-Sı habarlaǵandaı, S. Katan Aden qalasynyń shet aımaǵyndaǵy óziniń úıiniń janynda óltirilgen.
Shabýyldyń artynda «Al-Kaıeda» lańkestik toby tur dep boljam jasalynýda. Bul toptyń jasaqtary úkimettik áskerge qarsy shyǵyp, kúsh kórsetip otyrǵan.
Sońǵy 2 apta ishinde áskerı jasaq eldiń ońtústigindegi birneshe qalalardy bosata otyryp, aıtarlyqtaı nátıjege qol jetkizgen. Sarapshylar ortalyq bılik ókilderiniń qorytyndy jeńiske qol jetkizýge múmkindikteri bar dep te aıta bastady.
Eldiń ońtústik aýdandaryn bosatý máselesi «Al-Kaıeda» prezıdent Alı Abdalla Saleh pen oppozıtsııanyń qarama-qarsy shyǵý kezeńin paıdalanǵannan keıin týyndady. Sol kezde ekstremıster zorlyq-zombylyqpen kúresti jeleý etip, qarý tyǵylǵan qoımalardy basyp alyp, úkimettik bazaǵa jáne birneshe qalaǵa shabýyl jasady.
