Əıelin uryp óltirgen qostanaılyq zeınetker sottaldy
QOSTANAI. QazAqparat -Oblystyq sot «Densaýlyqqa qasaqana aýyr zııan keltirý» baby boıynsha Jitiqara qalasy turǵynynyń isin qarady, dep habarlaıdy QazAqparat tilshisi.
«65 jastaǵy Meńdibaı Sandyǵulov 9 tamyzda óz úıinde saǵat 01:00 shamasynda mas kúıinde jubaıyna qolymen jəne aıaǵymen birneshe soqqy jumsaǵan. Saldarynan jəbirlenýshiniń oń jəne sol jaq qabyrǵalary synǵan» - delingen oblystyq sottyń habarlamasynda.
Kúıeýinen taıaq jegen áıel oqıǵa ornynda qaza tapty. Medıtsınalyq tekserýler 65 jastaǵy zeınetkerdiń ishki organdary zaqymdaný saldarynan mert bolǵandyǵyn anyqtaldy.
Keıin belgili bolǵandaı, M.Sandyǵulov əıelin únemi uryp-soǵyp kelgen. Sot otyrysy kezinde aıyptalýshy prokýrormen protsessýaldyq kelisim jasaǵan. Ol óz kinəsin tolyqtaı moıyndady.
Jitiqara aýdandyq soty Sandyǵulovty 6 jylǵa bas bostandyǵynan aıyrý jazasyna kesti. Ol qaýipsizdigi ortasha túzetý mekemesinde jazasyn óteıdi.
