Ydystyń qosýly peshte umyt qalýynan 20-dan astam órt shyqty - ShQO qutqarýshylary
ShQO Tótenshe jaǵdaılar departamenti baspasóz qyzmetiniń málimetine súıensek, jyl basynan beri óńir jurtshylyǵynyń tamaqty peshte umyt qaldyrýynan 20-dan astam ret órt bolǵan. Keıingi aptada osyndaı 4 oqıǵa tirkelip otyr.
«Umytshaqtyqtyń saldary qaýipti jaǵdaılarǵa ákelip soǵady. Keıbireýler tamaq salynǵan qazan nemese tabany peshke qoıyp, ony páter ishin tútin basqan kezde ǵana esine túsiredi. Mundaı umytshaqtyq kóbinese úı sharýasyndaǵy áıelderde, qart adamdarda, túngi aýysymnan úıge kelgenderde, mas kúıdegilerde baıqalady», - delingen aqparatta.
Keıde órt sóndirýshilerdi ot tutanǵan úıdiń kórshileri shaqyrtyp jatady.
«Tamaq kúıgen kezde erekshe ıis paıda bolady. Tabadaǵy tamaq nemese maı janýy múmkin. Joǵary temperatýradan janǵysh materıaldar otqa oranady. Mysaly, jaqyn jerde turǵan shkaf, perde, plastmassadan jasalǵan buıymdar. Al, plastmassa ýly zattar bóledi», - deıdi oblystyq TJD órt sóndirý jáne apattyq-qutqarý qyzmetiniń bastyǵy Aıdos Núsipbaev.
Aıta keteıik, tamaqty peshte umyt qaldyratyndar QR ÁQBtK-niń 410-baby boıynsha jaýapqa tartylady.