Ybyraı Altynsarınniń týǵanyna 175 jyl tolýyna oraı halyqaralyq konferentsııa ótedi
ASTANA. QazAqparat - Qazaqstan Respýblıkasy Bilim jáne ǵylym mınıstrligi Y.Altynsarın atyndaǵy Ulttyq bilim akademııasy (budan ári - Akademııa) 4 qarashada Astanada Táýelsizdiktiń 25 jyldyǵy qarsańynda qazaq pedagogi - aǵartýshy Ybyraı Altynsarınniń týǵanyna 175 jyl tolýyna baılanysty Merekelik is-sharalar jospary aıasynda «Ybyraı Altynsarın jáne zamanaýı bilim» halyqaralyq konferentsııasyn ótkizedi.
Bul týraly atalǵan vedomstvonyń baspasóz qyzmeti habarlaıdy.
Konferentsııa maqsaty - Y. Altynsarınniń pedagogtik murasyn zerdeleý boıynsha tájirıbe almasý jáne onyń ıdeıalaryn qazirgi bilim berý júıesinde iske asyrý.
Konferentsııa jumysyna Qazaqstan Respýblıkasy Bilim jáne ǵylym mınıstrliginiń, respýblıkalyq vedomstvolyq baǵynysty uıymdarynyń ókilderi, Akademııa ardagerleri, ár jyldardaǵy Akademııa basshylary, otandyq jáne shetel ǵalymdary, Y.Altynsarın atyndaǵy bilim berý uıymdarynyń, barlyq tıptegi bilim berý uıymdarynyń, qoǵamdyq uıymdardyń ókilderi shaqyrylady.
Konferentsııa aıasynda «Ybyraı Altynsarınniń aǵartýshylyq-pedagogıkalyq qyzmetiniń qundylyq negizderi», «Bilim mazmunyn jańartý jaǵdaıyndaǵy Ybyraı Altynsarınniń pedagogıkalyq ıdeıalarynyń sabaqtastyǵy», «Ybyraı Altynsarınniń pedagogıkalyq murasy jáne qazirgi kásiptik bilim» paneldik sessııalary ótkiziledi.
Konferentsııany birlese uıymdastyrýshylar: Qostanaı memlekettik pedagogıkalyq ınstıtýty, Y.Altynsarın atyndaǵy Arqalyq memlekettik pedagogıkalyq ınstıtýty, Y.Altynsarın atyndaǵy Rýdnyı áleýmettik-gýmanıtarlyq kolledji, Ybyraı Altynsarınniń Qostanaı oblystyq memorıaldyq murajaıy.
Akademııa aǵymdaǵy jyldyń qyrkúıek-qazan aılarynda uly aǵartýshy - pedagog Y. Altynsarınniń 175 jyldyq mereıtoıyna arnalǵan respýblıka mektepteriniń 7-11-synyptary oqýshylarynyń arasynda «Ushtalǵan qalam» atty konkýrsyn ótkizdi, respýblıkalyq synyp saǵatyn ótkizý boıynsha ádistemelik usynystar ázirledi. Ótkizilgen sharalar oqýshylardyń boıynda elimizge degen patrıottyq jáne ulttyq maqtanysh sezimin, aǵartýshy-pedagogtyń murasyna qurmet sezimin, Y.Altynsarınniń zııatkerlik jáne rýhanı murasyna qyzyǵýshylyǵyn qalyptastyrýǵa baǵyttalǵan.
