«ıAva»: Atyraýda 1000 keli trotıldyń jarylysyna tótep beretin erekshe qondyrǵy bar
ATYRAÝ. KAZINFORM – Atyraý oblysynda burynǵy «Azǵyr» ıadrolyq polıgony aýmaǵynda «ıAva» qondyrǵysy ornalasqan.
QR Atom energııasy jónindegi agenttiginiń Kazinform joldaǵan resmı saýalǵa bergen jaýabyndaǵy málimetke saı, «ıAva» qondyrǵysy qýaty 1000 keli trotıldiń jarylysyna para-par jarylystardy zertteý maqsatynda ótken ǵasyrdyń 70-jyldary salynǵan.
Beıresmı derekterge qaraǵanda, keńes dáýirinde munda jarylys ádisi arqyly almaz untaǵyn alý tájirıbeleri júrgizilgen.
– Atalǵan qondyrǵy ıadrolyq nysan bolyp tabylmaıdy, quramynda bólinetin materıaldar joq jáne radıoaktıvti emes, – delingen agenttik usynǵan málimette.
Qondyrǵynyń negizgi bóligi – dıametri shamamen 24 metr jáne tereńdigi 24 metr bolatyn tsılındr tárizdi bolat basseın. Onyń ishinde dıametri 12 metr, qabyrǵasynyń qalyńdyǵy 10 santımetr jáne salmaǵy 450 tonnadan asatyn bolat shar ornalasqan. Bul shar joǵary ishki qysymǵa tótep bere alady.
Qazaqstandaǵy QR Atom energııasy jónindegi agenttigi ıAdrolyq fızıka ınstıtýtynyń bas dırektory Saıabek Sahıevtiń aıtýynsha, bul qurylǵydan qorshaǵan ortaǵa qaýip joq.
– «ıAva» qondyrǵysy qurylǵannan keıin paıdalanylmaǵan. Qondyrǵy men oǵan irgeles aýmaqtaǵy radıatsııalyq-ekologııalyq jaǵdaı belgilengen sanıtarlyq normalar men óńirdiń tabıǵı fondyq deńgeıine tolyq sáıkes keledi, – dedi Saıabek Sahıev.
Sonymen qatar ol qazirgi ýaqytta qondyrǵy jumys istemeıtinin jáne ıAdrolyq fızıka ınstıtýtynyń qorǵaýynda ekenin aıtty.
— Obektiniń jáne oǵan irgeles aýmaqtyń jaǵdaıyn ınstıtýt mamandary radıatsııalyq-ekologııalyq monıtorıng sheńberinde turaqty túrde tekserip otyrady, - dedi ol.
Buǵan deıin burynǵy Azǵyr ıadrolyq synaq polıgony aýmaǵyndaǵy ekologııalyq jáne radıatsııalyq jaǵdaı týraly jazǵanbyz.