ıAsır Arafattyń neden ólgeni belgili boldy
ASTANA. 14 shilde. QazAqparat - Palestına eliniń kóshbasshysy ıAsır Arafat 2004 jyly mıǵa qannyń quıylýynan qaıtys boldy, dep habarlady RIA Jańalyqtar agenttigi «ıAsır Arafat qory» (Yasser Arafat Foundation) usynǵan qujattarǵa silteme jasap.
2004 jyly 18 qarashada Parıj mańyndaǵy Klamar qalasynda ornalasqan Percy áskerı gospıtaliniń dárigerleri Arafattyń ólimi mıǵa qannyń quıylýynan boldy degen qorytyndy shyǵardy. Medıkterdiń atap ótkenindeı, Palestına eks-kóshbasshysynyń hal-jaǵdaıyna as qorytý músheleriniń aýrýlary áser etken bolýy kerek. Sonyń ishinde enterokollıt, DVS-sındromy jáne gemofagotsıtoz. Olardyń aıtýynsha, kóptegen dárigerlermen keńes ótkizgenmenen, ıAsır Arafattyń bastapqy aýrýy qaıdan paıda bolǵanyn anyqtaý múmkin bolǵan.
«ıAsır Arafat qory» usynǵan basqa qorytyndyda 12 qarasha kúni Arafattyń «vırýstyq gastroenterıt» dıagnozymen aýrýhanaǵa túskendigi týraly aıtylady. Bul dıagnozdy mysyrlyq jáne týnıstik dárigerler de rastap otyr.
Arafat ólimine qatysty shynaıy aqparattyń joqtyǵynan, ol ý berilip óltirilýi múmkin degen boljamdar álemge tarap ketti. «Ál-Jazıra» telearnasy Arafattyń jeke zattaryna zertteý júrgizýge bastama kóterdi. Osylaısha, Lozannadaǵy bedeldi shveıtsarııalyq zertteý ınstıtýty saıasatkerdiń kıimderinen, tis şetkasynan jáne bas kıiminen Polonıı-210 radıoaktıvti elementiniń izderin tapty. Eger Arafattyń qabirinen jáne súıeginen iri kólemde polonıı tabylsa, onda ony ýlandyrǵany jóninde jarııalaýǵa bolady. Qazirgi ýaqytta Palestına Ulttyq Ákimshiliginiń basshysy Mahmud Abbas eksgýmatsııa jasatý jóninde tıisti tapsyrma berdi.
