ıAsır Arafatty ýlap óltirgenin Frantsııa moıyndap otyr
ASTANA. 29 tamyz. QazAqparat - Frantsııa prokýratýrasy Palestınanyń burynǵy kóshbasshysy 2004 jyly qaıtys bolǵan ıAsır Arafattyń ólimine qatysty qylmystyq is qozǵady.
Qylmystyq istiń qozǵalýyna áıeli Sýha Arafattyń Parıjdiń Nanterr degen qalasynyń joǵary ınstantsııadaǵy sotyna «kúıeýimdi qasaqana óltirip ketti» dep jazǵan aryzy sebep bolyp otyr. Áıeli Sýha men qyzy Zahva aryzdarynda kinálap otyrǵan adamnyń esimin kórsetpepti. Sýha tek kúıeýleriniń qandaı kúıde qaza tapqanyn halyqqa pash etkisi keletin sekildi. Bul týraly muslim.kz saıtynda jazady.
Eske salsaq, shveıtsarııalyq ǵalymdar ıAsır Arafattyń paıdalanǵan dúnıelerinen polonııa atty ýly radıoaktıvti zattyń baryn anyqtaǵan edi. Osydan keıin áıeli Sýha Arafat Palestınanyń ulttyq ákimshiligine qabirden kúıeýiniń súıegin kóterý týraly ótinishpen shyqqan bolatyn. Doktorlardyń aıtýynsha, eger ıAsır Arafattyń súıegindegi polonı kóp mólsherde kezdesetin bolsa, onda ony anyq ýlap óltirgen dep senimmen málimdeýge bolady dep otyr. Qazirgi ýaqytta Shveıtsarııanyń Lozanna ýnıversıtetindegi radıologııa zerthanasynda palestınalyq kóshbasshynyń súıek qaldyqtary zerttelýde.
Osyǵan deıin ıAsır Arafattyń naqty neden ólgenin eshkim anyqtaı almaǵan edi. Bireýlerii qaterli isikke shaldyqqan dese, endi biri baýyr tserrozy degen dıagnoz qoıdy. Bireýler tipti JITS/SPID juqtyrǵan dep te jorydy.
