ıAsaýı mýzeıine jumsalǵan shyǵyndardyń negizdiligi tekseriledi
Túrkistan oblysynyń ákimi Darhan Satybaldy Ortalyq kommýnıkatsııalar qyzmetinde ótken brıfıngide Qoja Ahmet ıAsaýı mýzeıine jumsalǵan shyǵyndardyń negizdiligi tekseriletinin aıtty, dep habarlaıdy Kazinform.
Brıfıng kezinde jýrnalıster «Samuryq-Qazyna» qorynyń qarjylandyrýy arqyly salynǵan Qoja Ahmet ıAssaýı kesenesiniń nege áli qoldanysqa berilmeı kele jatqanyn surady.
Ákimniń aıtýynsha, nysan 2020 jyly qoldanysqa berilip, Túrkistan qalasynyń ákimdigine qaıtarymsyz negizde tabystalǵan. Biraq ol kezde nysannyń ishin árleý jumystary jasalmaǵan kórinedi. Osyǵan baılanysty qala ákimdigi mýzeıdiń ishin tolyqtyrý jumystaryn josparlaǵan. Qazir nysan áli jabyq tur.
«Ol nysanǵa ózim de bas suqtym. Osy máseleniń anyq-qanyǵyna jetkim keledi. Qazir tekserý jumystary júrip jatyr. Qazir shyǵyndardyń negizdiligi týraly máseleniń baıybyna barǵym keledi. Sheshimdi sodan keıin qabyldaımyz. Basqa nysandarmen baılanysty da dál osy sııaqty máseleler bar: ózen jaǵasyn bekemdeý boıynsha da, elektrokar boıynsha da, sapar-ortalyq boıynsha da, monsha kesheni boıynsha da, Neke úıi boıynsha da», - dedi oblys ákimi.
Sondaı-aq, ol istiń materıaldary quqyq qorǵaý, organdaryna berilgenin aıtty. Al ol organdar ishki aýdıt qyzmetin iske tartyp, nysandarǵa jumsalǵan shyǵynnyń negizdiligin tekseredi.
Buǵan deıin Túrkistanǵa týrıst tartý úshin salynǵan sarap ortalyǵynyń jeke kompanııanyń senimgerlik basqarýyna ótkeni málim bolǵan.
«Meniń oıymsha, ol kezde nysandy kútip ustaý shyǵyndaryna bıýdjetten aqsha shyǵyndaǵylary kelmegen shyǵar. Ol jetkilikti deńgeıde qyzmet istep turmaǵanyn kórgennen keıin álgi jeke kompanııamen jasalǵan kelisimdi buzý týraly sheshim qabyldandy. Biz tipti sotqa baryp turyp, ymyraly kelisim jasastyq ta, nysandy ózimizge aldyq. Ortalyq qazir jergilikti bıliktiń balansynda», - dedi Darhan Satybaldy.
