ıAsaýı murasyna arnalǵan qos kitap 4 tilde jaryq kórdi
ASTANA. KAZINFORM — Elordada fılologııa ǵylymdarynyń kandıdaty, aqyn ári ǵalym Aınur Ábdirásilqyzynyń qos kitabynyń tusaýkeser rásimi ótti.
Qalyń kópshilikke tanystyrylǵan qos kitap — «ıAsaýı poezııasy jáne túrki ádebıeti» atty monografııa jáne «Shaıhym — Ahmet ıAsaýı…» degen tarıhı-tanymdyq pesa. Bul eńbekter aǵylshyn, túrik, orys tilderine de aýdarylyp, basylyp shyqty.
— «ıAsaýı poezııasy jáne túrki ádebıeti» atty monografııa — 25 jyldyq eńbegimizdiń jemisi. Onda ıAsaýı jáne onyń murasyna arnalǵan dúnıe júzindegi súbeli eńbekterdiń barlyǵy qarastyrylyp, taldandy. Sonymen qatar, ıAsaýıdiń «Dıýanı hıkmet» kitabynyń qazaq tiline aýdarylǵan 17 nusqasy túgeldeı zerttelip, saralandy. Odan bólek, tekstologııalyq zertteýler júrgizildi. «Dıýanı hıkmettiń» osyǵan deıin jınaqtyq, ǵylymı-synı mátini jasalmaǵany, sózdikter daıyndalmaǵany, sol sebepti qazirgi zertteýler men aýdarmalarda qatelikter bar ekeni atap kórsetildi. Sol jumystardyń qalaı atqarylýy kerek ekeni jóninde naqty baǵyttar belgilendi. Jalpy, bul — óte ózekti birneshe taqyrypty qamtıtyn eńbek, — dedi avtor Aınur Ábdirásilqyzy.
Al «Shaıhym — Ahmet ıAsaýı…» pesasynda atalǵan tulǵanyń jáne jalpy rýhanı kemeldikke umtylǵan jandardyń ishki dúıesi, jan saraıy kórinis tapqan.
— Pesada Qoja Ahmet ıAsaýıdiń óz dáýirinde ustazdarymen, shákirtterimen, halyqpen qarym-qatynasy jóninde kóptegen sahna, sondaı-aq, tarıhı jáne ańyzdyq kóptegen qyzyqty málimet bar. Sonyń bári astasyp, ıAsaýıdiń jáne onyń shákirtteriniń kórkem obrazy somdaldy, — dedi Aınur Ábdirásilqyzy.
Іs-sharaǵa ǵalymdar, zııaly qaýym ókilderi jáne qalyń oqyrman qaýym keldi. Sonymen qatar, Túrkııa, Ózbekstan, Túrikmenstan tárizdi shetelderdiń ǵalymdary jáne Túrki álemine qatysty halyqaralyq uıymdar men mekemeler ókilderi qatysty.
Aınur Ábdirásilqyzynyń ǵylymı jetekshisi, f.ǵ.d. Temirǵalı Esembekov tusaýkeser rásiminde sóz aldy. Ol «ıAsaýı poezııasy jáne túrki ádebıeti» monografııasyna aıryqsha toqtalyp, ǵylymı turǵyda baǵa berdi.
— Bul kitapta Ahmet ıAsaýıdiń aqyn ekeni dáleldengen. Onyń mátinin kóptegen túrki halqy ádebıetine kiristirgen. Biraq buǵan deıin ıAsaýıdiń poetıkasyn eshkim zerttemegen edi. Al Aınur ıAsaýıdiń poetıkasyn, kórkemdik quraldaryn taldady jáne «Dıýanı hıkmettiń» kórkem janr ekenin dáleldedi, — dedi ol.
Aıta keteıik, buǵan deıin «ıAsaýı hıkmetteri — Uly dalanyń mádenı kody» degen Prezıdent málimdemesin jarııalaǵanbyz.
