ıAsaýı ilimine qatysty XVII ǵasyrdaǵy sırek qoljazba Máskeýden tabyldy
ASTANA. KAZINFORM — «Áziret Sultan» ulttyq tarıhı-mádenı mýzeı-qoryǵynyń ıAsaýıtaný ǵylymı ortalyǵynyń ǵalymdary Reseı memlekettik kitaphanasynan ıAsaýı tarıqatynyń tarıhy men rýhanı ilimine arnalǵan, buǵan deıin ǵylymı ortada asa málim bolmaǵan XVII ǵasyrdaǵy sırek qoljazbany anyqtady.
Ǵylymı zertteý Memleket basshysy Qasym-Jomart Toqaevtyń Qoja Ahmet ıAsaýı murasyn jan-jaqty zerdeleý jáne keńinen nasıhattaý jónindegi tapsyrmasy men Úkimet bekitken ıAsaýıtaný salasyn damytý josparyna sáıkes júrgizilip jatyr.
«Hýjjat áz-Zakırın lı-radd ál-Mýnkırın» («Zikirdi teristeýshilerge qarsy zikir etýshilerdiń dáleli») atty eńbek Máskeýge uıymdastyrylǵan ǵylymı ekspedıtsııa barysynda tabyldy. Buharada jazylǵan bul týyndy — ıAsaýı mektebiniń tarıhyn tanytatyn mańyzdy jazba derekkózderdiń biri.
Qoljazbada sopylyq ilim, jarııa zikir dástúri jáne rýhanı sabaqtastyq máseleleri sóz bolady. Atalmysh eńbekte Qoja Ahmet ıAsaýıden, Hakim ata men Zeńgi atadan bastaý alatyn jáne tarıqattyń keıingi ókilderine deıin jalǵasqan rýhanı shejire jóninde qundy málimet qamtylǵan.
Búginde mamandar qoljazbanyń ǵylymı sıpattamasyn ázirlep jatyr. Aldaǵy ýaqytta onyń mátini belgili nusqalarmen salystyrylyp, mátintanýlyq taldaý júrgiziledi. Zertteý nátıjeleri ǵylymı aınalymǵa engizilmek.
Aıta ketelik ıAsaýı murasyna arnalǵan qos kitap 4 tilde jaryq kórgen edi.
