ıAsaýı kesenesiniń kúmbezin restavratsııalaý qalaı júrip jatyr
TÚRKІSTAN. KAZINFORM – Túrkistan qalasyndaǵy Qoja Ahmet ıAsaýı kesenesiniń kúmbezinde ǵylymı restavratsııa jumystary júrgizilip jatyr.
«Qazqaıtajańartý» RMK sáýir aıynda júrgizgen keshendi zertteý barysynda kúmbezdiń glazýrlengen qabatynyń beriktigi álsirep, jekelegen bólikterindegi jaryqtardyń ulǵaıǵany anyqtalǵan. Osyǵan baılanysty syrtqy qaptamanyń ózdiginen qulaý qaýpiniń aldyn alý úshin ǵylymı restavratsııalaý jumystary bastaldy.
Jumystar ǵylymı zertteý qorytyndylary negizinde halyqaralyq mádenı murany saqtaý standarttaryna sáıkes jáne Mádenıet jáne aqparat mınıstrliginiń qadaǵalaýymen júzege asyrylyp jatyr.
– Restavratsııalanyp jatqan glazýrlengen qabat keseneniń túpnusqa qurylymyna jatpaıdy. Kúmbezdiń tarıhı konstrýktsııasy búginge deıin tolyq saqtalǵan. Glazýrlengen qabat qorǵanysh ári sáýlettik qyzmet atqaryp, kúmbezdiń túpnusqasyn jaýyn-shashynnan, qatty jelden, kún radıatsııasynan jáne ózge de syrtqy faktorlardyń áserinen qorǵaıdy, – dep habarlady «Qazqaıtajańartý» RMK.
Vedomstvo málimetinshe, aldaǵy barlyq sheshimder keshendi zertteý nátıjelerine súıene otyryp qabyldanady. Bul rette tarıhı qurylymǵa barynsha az aralasý qaǵıdaty basshylyqqa alynady.
Qoja Ahmet ıAsaýı kesenesi – Qazaqstannan ıÝNESKO-nyń Dúnıejúzilik muralar tizimine alǵash bolyp engizilgen tarıhı-mádenı eskertkish. Osyǵan baılanysty nysannyń tarıhı qundylyǵyn, biregeıligi men tutastyǵyn saqtaý memlekettik mádenı murany qorǵaý salasyndaǵy basym mindetterdiń biri sanalady.
Buǵan deıin ıAsaýı kesenesindegi Tsıtadel qamaly qabyrǵasynyń shyǵys bóligin qalpyna keltirý jumystary júrgizilip jatqanyn jazǵan edik.
Sondaı-aq kesene aýmaǵyndaǵy kelýshiler júretin negizgi aımaqtyń 1 shaqyrymǵa jýyǵy móldir áınekpen qorshalyp jatqanyn habarladyq.
