ıAsaýı kesenesiniń 6 jeldetý arnasynda aýa aınalymy álsiz ekeni anyqtaldy
TÚRKІSTAN. KAZINFORM — «Qazqaıtajańartý» mekemesiniń mamandary jalpy 19 jeldetý shahtasynyń tehnıkalyq jaǵdaıyn tekserip, nysandaǵy aýa almasý júıesiniń jaı-kúıin baǵalady.
«Qazqaıtajańartý» mekemesiniń málimetinshe, ıAsaýı kesenesiniń aýa almasý júıesine zertteý jumystary júrgizildi. Zertteý barysynda generatordyń kómegimen zııansyz qurǵaq tútin jeldetý shahtalaryna jiberildi.
— Profılaktıkalyq zertteý aıasynda jalpy 19 jeldetý shahtasynyń tehnıkalyq jaǵdaıy qaraldy. Onyń 10-y birinshi qabatta, 9-y ekinshi qabatta ornalasqan, — delingen vedomstvo taratqan aqparatta.
Zerdeleý nátıjesinde 6 shahtanyń aýa aınalymynda kemshilikter anyqtaldy. Al negizgi aýa almastyrý qyzmetin atqaratyn 7 shahta qazirgi ýaqytta qalypty rejımde jumys istep tur.
— Júrgizilgen zertteý jeldetý shahtalarynyń qazirgi tehnıkalyq jaı-kúıin baǵalaýǵa, yqtımal qaýip aımaqtaryn anyqtaýǵa múmkindik beredi. Sondaı-aq kesene qurylystarynyń turaqty jaǵdaıyn saqtaý úshin ońtaıly aýa almasýdy qamtamasyz etý sharalaryn ázirleýge jáne engizýge yqpal etedi, — dep habarlady «Qazqaıtajańartý» mekemesi.
Budan buryn ıAsaýı kesenesiniń aýmaǵyna kirý tártibi ózgergenin jazǵan edik.