«ıAsaýı kesenesiniń kúmbezi qulaǵaly tur» - respýblıkalyq basylymdarǵa sholý

***

«Keshe Májilistiń jalpy otyrysynda qalaýlylar minberinen sóz alǵan depýtat Rozaqul Halmuradov úkimetbasyna eki birdeı saýal joldady. Onyń birinshisinde Rozaqul Satybaldyuly Ortalyq Azııadaǵy teńdessiz tarıhı jádiger sanalatyn, ıÝNESKO-nyń mádenı muralar tizimine engen, ǵajaıyp sáýlet eskertkishi Qoja Ahmet ıAsaýı kesenesiniń qazirgi jaǵdaıyna alańdaýshylyq bildirdi», dep jazady «Alash aınasy» gazeti. Basylymnyń jazýynsha, 1993-2000 jyldar aralyǵynda Túrkııanyń «Vakıf Inshaat» fırmasy kesenede restavratsııa, kúrdeli jóndeý jáne qaıta qalpyna keltirý jumystaryn júrgizgen. Alaıda elimizdiń quziretti mekemeleri álgi fırmanyń jumysyn tıisinshe baqylaýda ustamaǵanǵa uqsaıdy. Keıinnen sapasyz atqarylǵan istiń saldarynan kesene irgetasynyń gıdroızolıatsııasy, bólmeleriniń jeldetpe júıeleri syr bergen. Jazylǵan jaıt týraly búgingi nómirdegi «ıAsaýı kesenesiniń kúmbezi qulaǵaly tur» degen maqaladan egjeı-tegjeıli oqı alasyzdar.

«Alash aınasy» gazetiniń jazýynsha, memleket qarjysyn talan-tarajǵa saldy jáne qyzmettik laýazymyn asyra paıdalandy degen aıyppen taǵy bir laýazymdy tulǵa qamaýǵa alyndy. Quqyq qorǵaý organdarynyń bul jolǵy qarmaǵyna Ulttyq qaýipsizdik komıteti Shekara qyzmeti bastyǵynyń orynbasary Álim Hasenov ilikken. Atalǵan sheneýnikke qatysty qylmystyq is tamyzdyń 23-i kúni qozǵalǵan. Tekserý barysynda onyń zastavalar kesheni men shekara qyzmetiniń basqa nysandarynyń qurylysy kezinde qyzmet babyn teris maqsatta paıdalaný arqyly memleketke iri kólemde materıaldy shyǵyn keltirgeni anyqtalǵan.

Búginde elimizdegi meshitterde ımam bolyp jas ta, jasamys ta qyzmet etip jatyr. Bul, bir jaǵynan, ıslam dinine jastarymyzdyń nıeti men kózqarastarynyń durys ekenin kórsetedi. Alaıda sharıǵat pen ımandylyqty ýaǵyzdaý úshin, zaıyrly memleketimizdiń qazirgi talap-múddelerine saı, oń dinı saıasat ustaný úshin oń-solyn tanymaǵan dinı qyzmetkerlerdiń eńbegine syn kóp tárizdi. El ishinde jastyǵynyń saldarynan elge qajetinshe úlgi bola almaı otyrǵan ımamdar jıi kezdesedi. Osyǵan oraı «Alash aınasy» gazeti búgingi sanyndaǵy «Oı-kókpar» aıdarynda «Imamdar úshin jas mólsherin belgileý kerek pe?» degen saýaldy mamandar talqysyna shyǵaryp otyr. Fılologııa ǵylymynyń doktory, professor Qanseıit Ábdezuly men «Aq orda» qozǵalysy ortalyq keńesiniń múshesi Dáýlet Ábenovterdiń atalǵan saýalǵa bergen jaýaptaryn oqyǵyńyz kelse, basylymnyń beısenbilik nómirin jiberip almańyz.

***

Prezıdent Nursultan Nazarbaevtyń 5 tomdyq tańdamaly sózderiniń jınaǵy oqyrmanǵa jol tartty. Osy oraıda keshe el Prezıdenti keńsesiniń bastyǵy, 20 jyldan astam ýaqyt boıy Elbasynyń qasynda júrgen úzeńgilesi Mahmut Qasymbekov jetekshi qoǵamdyq saıası basylymdar úshin arnaıy brıfıng ótkizdi. Atalǵan jaıtqa oraı «Aıqyn» gazetinde «Qazaqstan tarıhynda tuńǵysh ret shyǵarylǵan eńbek» degen taqyryppen kólemdi maqala jarııalandy. Basylymnyń jazýynsha, jınaqqa Ult kóshbasshysynyń jıyrma jyl (1989-2009 jyldar kezeńi) boıyndaǵy tuǵyrnamalyq jáne baǵdarlamalyq sıpattaǵy eń eleýli degen sózderi men baıandamalary kirgen. Basylym 7 kitaptan turady, oǵan Prezıdent muraǵatyndaǵy, Tuńǵysh Prezıdent murajaıyndaǵy, Prezıdent Ákimshiligi men ortalyq memorgandar qorlaryndaǵy muraǵattyq qujattardy, stenogrammalardy jáne basqa da materıaldardy, sondaı-aq otandyq jáne sheteldik baspasózde jaryq kórgen jarııalanymdardy zerttep-zerdeleý nátıjesinde N.Nazarbaevtyń 267 sózi men baıandamasy iriktelip alynǵan.

Ádette adamdar aldynan ıt júgirip ótse, ony jaqsylyqqa, al qara mysyq júgirip ótse nemese ıt ulysa, ony jamandyqqa jorıdy. Úıdiń shatyryna baıǵyz qonyp, suńqyldasa, ony kisiniń ajalyna kórindi dep, qatty úreıge beriledi. Osylaısha óz-ózinen qorqyp, sharasyzdyqqa salynyp, psıhologııalyq kúızelistiń áserinen paronoııa dertine shaldyǵatyndar az emes. Osyndaı yrym-nanymdarǵa asyl dinimiz - ıslam dini qalaı qaraıdy? Bul jaıynda tereńirek bilgińiz kelse, «Aıqyn» gazetiniń búgingi sanyndaǵy «Pýshkın qoıannan qoryqqan, al siz neden qorqasyz?» degen maqalaǵa nazar aýdaryńyz. «Joǵarydaǵydaı túrli yrym-jyrymdar ıslamnan burynǵy qarańǵylyq dáýirinde óte qatty damyǵan. Islamnyń kelýimen ǵana buǵan tyıym salyna bastady. Jalpy, ıslamda ne nárseni bolsyn jamandyqqa jorýǵa qatań tyıym salynǵan. ıAǵnı, dini­mizde jamandyqqa jorý degen atymen joq. Paıǵambarymyz joǵarydaǵydaı kórinis­terden úreılenýdi ımansyzdyqtyń bir belgisi retinde atap kórsetken. Saha­balar bulaısha qorqýdy Allaǵa serik qosý, shırk, bıdaǵat sanaǵan», dep jazady basylym.

«VII qysqy Azııa oıyndarynyń bas demeýshisi atanǵan «Samuryq-Qazyna» ulttyq ál-aýqat qory baıraqty básekege osyndaı qarjy bóletin boldy. Jaǵymdy jańalyqty Týrızm jáne sport mınıstrliginde ótken basqosýda «2011 jylǵy 7-shi qysqy Azııa oıyndaryn uıymdastyrý komıtetiniń atqarýshy dırektsııasy» AQ-tyń prezıdenti A. Qulnazarov pen «Samuryq-Qazyna» UÁQ» AQ-tyń basqarýshy dırektory-basqarma múshesi Q.Áıtekenov qaǵazben qattap, mórmen bekitip úlgerdi», dep jazady «Aıqyn» gazeti búgingi nómirinde jaryq kórgen «3 mıllıard teńge» degen taqyryptaǵy maqalasynda. Uıymdastyrý komıtetiniń demeýshilik paketi aıasynda «Samu­ryq-Qazyna» UÁQ kompanııa­synyń brendin alǵa jyljytý jolynda Azııa oıyndaryna deıin de, ony ótkizý kezinde de keń kó­lem­de qyzmet kórsetpek. Bas de­meýshi Azııa oıyndary ótetin bar­lyq negizgi sporttyq jáne qo­salqy nysandarǵa erekshe yqylas tanytýda. Bul pakettiń keremettigi - alǵa jyljyǵan baǵdarlamanyń keshendi ári maqsatty bolýy.

***

«Astana óz aýmaǵynda «EKSPO» halyqaralyq kórmesin uıymdastyrýǵa nıetti. Halyqaralyq kórme bıýrosynyń Bas hatshysy Vısente Gonsales-Lossertalestiń pikirinshe, shahar-úmitkerler arasynda uıymdastyrylatyn konkýrsta elordamyzdyń mereıi ústem bolýy ábden yqtımal. Bul týraly ol ákimdikte Astana ákimi Imanǵalı Tasmaǵambetovpen kezdesýde málimdedi», dep jazady «Astana aqshamy» gazeti. Basylymnyń atap ótýinshe, elordamyzda atalǵan halyqaralyq sharany ótkizýge ázirlik álden-aq bastalyp ketti. Qajetti ınfraqurylymdy jasaqtaý úshin ınjenerlik, kommýnıkatsııalyq jeliler júrgizý qolǵa alynýda. Bólingen jerdiń aýmaǵy - 120 gektar. Qajettilik týyndaǵan jaǵdaıda odan da artyq aýqym bólýge múmkindik bar.

***

«EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy - syrtqy ister mınıstri Qanat Saýdabaev pen Qyrǵyzstan Respýblıkasynyń ótpeli kezeńdegi Prezıdenti Roza Otynbaeva telefon arqyly sóılesti», dep jazady «Kazahstanskaıa pravda» gazeti. Suhbattasýshylar QR Prezıdenti Nursultan Nazarbaevtyń dostyq qarym-qatynastaǵy memleket úshin usynylǵan Qyrǵyzstannyń ekonomıkasyn qalpyna keltirý baǵdarlamasynyń júzege asyrylýyn talqylady. Áńgime barysynda Qyrǵyzstannyń qazirgi jaǵdaıyna, osy elde qazannyń 10-y kúni bolatyn parlamenttik saılaýǵa daıyndyq máselelerine erekshe nazar bólindi. Taraptar BUU men EO-nyń arnaıy mamandary Mıroslav Encheı jáne Per Morelmen birge Qyrǵyzstan Respýblıkasynyń basshylyǵymen bul elge halyqaralyq qaýymdastyq tarapynan ary qaraı kórsetiletin kómek baǵyttary týraly jan-jaqty keńes berý sharalaryn ótkizetin EQYU Іs basyndaǵy tóraǵasynyń arnaıy ókili, QR Parlament Májilisiniń vıtse-spıkeri Jánibek Káribjanovtyń kelesi aptada Bishkekke baratyndyǵy týraly kelisimge qol jetkizdi.