ıAsaýı kesenesiniń aınalasyna eń qundy aǵashtar otyrǵyzylady
TÚRKІSTAN. QazAqparat - Qoja Ahmet ıAsaýı kesenesiniń aınalasyna eń qundy aǵash túrleri otyrǵyzylady, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
«Qoja Ahmet ıAsaýı kesenesi - ortaǵasyrlyq sáýlet óneriniń shyńy. Tutas ulttyń biregeı bolmysyn aıqyndap bergen Túrkistan tórindegi teńdesiz tarıhı jádigerdiń aınalasy abattandyryp, jasyl jelekke oranýda. Oblys basshysy Ómirzaq Shókeev kesene aýmaǵyna eń qundy aǵash túrlerin otyrǵyzýdy tapsyrdy. Mundaǵy barlyq jumystar arnaıy mamandardyń jiti baqylaýynda», delingen habarlamada.
Osydan týra bir jyl buryn Baký qalasynda Túrkistan oblysynyń delegatsııasy UNESCO-nyń Lúnıejúzilik mura komıtetiniń 43-sessııasynda mańyzdy kelisimderge qol jetkizdi. Onda ıAsaýı kesenesi aýmaǵyndaǵy qurylys obektileriniń dúnıejúzilik muraǵa áserin baǵalaý máseleleri de qaralǵan bolatyn. Dál osy jıynda keseneniń aınalasyndaǵy aýmaqty abattandyrý boıynsha sheshim qabyldandy.
Oblys ákimi drama teatr qurylys alańynda aralap kórdi. 4 qabattan turatyn ǵımarattyń jalpy aýdany 9 700 sharshy metr. Barlyq talaptarǵa saı, zamanaýı úlgide salynyp jatqan mádenı oshaqta 510 adamǵa arnalǵan kórermen zaly bar. Aqtóbe oblysynyń Túrkistanǵa tartýy retinde salynyp jatqan drama teatrdyń qurylysy aldaǵy kúzde aıaqtalady dep josparlanyp otyr.
