ıAsaýı kesenesinen tikeleı kórsetilimdi onlaın tamashalaýǵa bolady

TÚRKІSTAN. QazAqparat – Túrkistandaǵy «Áziret Sultan» memlekettik tarıhı-mádenı qoryq-mýzeıiniń resmı saıtyndaǵy MEDIA bóliminde onlaın rejım iske qosyldy. Atalǵan bólimnen Qoja Ahmet ıAsaýı, Rábııa Sultan Begim kesenesi men segiz qyrly saǵana mańyndaǵy kúndelikti tynys-tirshilikti tikeleı kórýge bolady, dep habarlaıdy QazAqparat tilshisi.

Birshama ýaqyt buryn «Áziret Sultan» memlekettik tarıhı-mádenı qoryq-mýzeıinde Android platformalaryna arnalǵan mobıldi qosymsha iske qosylǵan bolatyn. Osy qosymsha arqyly ǵasyrlar eleginen ótip, búgingi kúnge jetken kóne, tarıhı qundy jədigerler men olardy saqtaý ádisterin kórýge bolady.

Sondaı-aq, kóne zattardy qorǵaý men qaıta qalpyna keltirý, qoryq-mýzeıge qarasty tarıhı-mádenı jáne rýhanı oryndarmen tanysý jáne 3D-týr arqyly tamashalaýǵa bolady. Mınıstrlik jańalyqtary men mýzeıdegi atqarylǵan jumystar jóninde aqparat alyp, dırektor blogy arqyly baılanys ornatý múmkinshiligi jasalǵan. Mýzeıge túsetin qarjy jáne qonaqtarǵa kórsetiletin qyzmetter, tarıhı eskertkishter jaıly ǵylymı maqalalardy oqý múmkindigi de qarastyrylǵan. Bıyl qoryq-mýzeıge qarasty tarıhı-mádenı oryndarǵa da onlaın rejımin qosý josparlanyp otyr.

«Əziret Sultan» memlekettik tarıhı-mədenı qoryq-mýzeıiniń mobıldi qosymshasyn Google Play Market arqyly júktep alýǵa bolady.