ıAsaýı kesenesindegi kórmege qazbadan tabylǵan at ábzelderi qoıyldy
«Áziret Sultan» memlekettik tarıhı-mádenı qoryq-mýzeıiniń baspasóz qyzmetiniń habarlaýynsha, Eelbasynyń «Uly dalanyń jeti qyry» baǵdarlamalyq maqalasy aıasynda uıymdastyrylǵan kórmeniń maqsaty - Uly dalanyń erekshelikteri men atqa miný mádenıetin nasıhattaý, ulttyq bolmysymyzdy dáripteý, tarıxı sanany jańǵyrtýǵa shaqyrý bolyp tabylady.
Kórme ekspozıtsııasyna atqa miný mádenıetine baılanysty eń qundy muranyń biri - arheologııalyq qazbadan tabylǵan VІ-VII ǵasyrlarǵa tán úzeńgi qoıyldy.
«Bul jádiger 1979 jyly Kúltóbede júrgizilgen arheologııalyq qazba jumystary kezinde VI-VII ǵasyrlarda kómilgen attyń qańqasymen birge tabylǵan. Jylqy aýyzdyq men úzeńgi syndy ábzelderimen qoıylǵan. Dál osyndaı jádigerler Tashkent, Samarqan, Altaı óńirlerindegi bes jerden shyqqan. Bul túrkilerdiń jaýǵa da, jolǵa da senimdi serigin qadir tutqan qasıetin bildiredi. Tabylǵan úzeńgi tat basqanymen óz qalpyn saqtap qalǵan. Búgingi kórmeden tamashalap otyrǵandaryńyz da sol jádiger bolyp tabylady», - deıdi tarıh ǵylymdarynyń kandıdaty, arheolog Marat Tuıaqbaev.
Sondaı-aq, kórmege qoryq-mýzeı qorynda saqtalǵan XIX ǵasyrǵa jatatyn taǵa men qaýsar jáne X ǵasyrdaǵy at ábzelderi syndy 30-dan asa jádigerlermen qatar, baıyrǵy metallýrgııa, ań stıli, altyn adam, túrkiliktiń túp-tórkini, Uly Jibek joly toraby, qyr gúli - qyzǵaldaq, alma jaıly sýretter de qoıylyp, tarıhy tanystyryldy.
«Uly dalanyń jeti qyry» kórmesi kópshilik nazaryna bir aı boıy usynylady.
