ıAsaýı kesenesinde erikti gıdter jumys isteı bastady
NUR-SULTAN. QazAqparat - QR Prezıdenti Qasym-Jomart Toqaev 2020 jyldy «Eriktiler jyly» ataýyna baılanysty Qoja Ahmet ıAsaýı kesenesinde «Ask Me, I am local» jobasy iske qosyldy, dep habarlaıdy oblystyq ákimdiktiń baspasóz qyzmeti.
Jobaǵa qatysatyn eriktiler kelýshi qonaqtar men týrısterge gıd – nusqaýshy qyzmetterin kórsetetin bolady.
QR Mádenıet jáne sport mınıstrligi jáne Túrkistan oblysy ákimdiginiń uıymdastyrýymen qolǵa alynǵan jobanyń basty maqsaty - Túrkistanǵa kelgen týrısterdi sapaly ári shynaıy aqparatpen qamtamasyz etý jáne stýdent jastardy aldaǵy ýaqytta týrızm salasynda jumys jasaýyna yntalandyrý.
Qatysýshylar birkelki ádistememen jasalǵan aqparatpen jáne elektrli samakatpen jabdyqtalǵan. Eriktiler «Áziret Sultan» qoryq-mýzeıine qarasty aýmaqta qyzmet atqaratyn bolady. Olar QR Aqparat jáne qoǵamdyq damý mınıstrliginiń «Áleýmettik stýdenttik kredıt» jobasy aıasynda 20 saǵatqa – 20 000 teńge nemese 2 akademııalyq saǵatty jabýǵa múmkindigi bar.
Qazirgi tańda, «Ask Me, I am local» jobasyna Qoja Ahmet ıAsaýı atyndaǵy HQTÝ-dyń 20 stýdenti erikti túrde qatysýda, aldaǵy ýaqytta eriktiler sanyn 3 ese asyrý josparlanyp otyr.
