ıAsaýı kesenesi mańyndaǵy Tsıtadel qorǵany buzylyp jatqany ras pa

Arnaıy tehnıkanyń jumysyn kórgen jeli qoldanýshylary tarıhı nysan buzylyp jatyr degen alańdaýshylyq bildirdi.

Qazqaıtajańartý RMK-nyń málimetinshe, atalǵan aýmaqta tarıhı eskertkishti saqtaý jáne bastapqy kelbetin qalpyna keltirýge baǵyttalǵan ǵylymı-restavratsııalyq jumystar júrgizilip jatyr. Bul jumystar qorǵandy buzý úshin emes, ony uzaq jyldarǵa saqtap qalý maqsatynda qolǵa alynǵan.

Tsıtadel qamaly qabyrǵasynyń shyǵys bóligin qalpyna keltirý jumystary bıyl shilde aıynda bastalǵan. Sońǵy jyldary respýblıkalyq mańyzy bar tarıh jáne mádenıet eskertkishiniń osy bóliginde jaryqtar paıda bolyp, sylaqtarynyń mújilýi baıqalǵan.

Qazqaıtajańartý RMK fılıalynyń dırektory Nurtýlla Bekbergenovtiń aıtýynsha, joba Mádenıet jáne aqparat mınıstrliginiń kelisimimen josparly túrde iske asyrylyp jatyr.

— Sońǵy 2-3 jyl boıy turaqty monıtorıng júrgizdik. Onyń nátıjesi boıynsha qamal qabyrǵasynyń jyl saıyn 10-15 santımetrge yǵysyp bara jatqany anyqtaldy. Osyǵan baılanysty bıyl Qazqaıtajańartý RMK ǵylymı-restavratsııalyq jumystardy bastady. Josparǵa sáıkes, shyǵys qaqpadan bastap 32 metr aýmaq qalpyna keltiriledi, al apattyq ýchaskeniń jalpy uzyndyǵy — 40 metr. Qalpyna keltirý barysynda irgetasy nyǵaıtylyp, kirpishteri men shlakobloktary qaıta qalanady. Jumystardy bıyl qarasha-jeltoqsan aılarynda aıaqtaý josparlanyp otyr, — dedi Nurtýlla Bekbergenov.

Restavratsııa jumystarynyń qaýipsiz júrgizilýine baılanysty aýmaq ýaqytsha qorshalyp, aqparattyq taqtaıshalar ornatylǵan. «Áziret Sultan» ulttyq tarıhı-mádenı mýzeı-qoryǵy kelýshilerden ýaqytsha qolaısyzdyqtarǵa túsinistikpen qaraýdy surady.

Buǵan deıin ıAsaýı kesenesi aýmaǵyna shetel azamattary úshin kirý bıletteriniń baǵasy óskeni týraly jazǵan edik. 

Sondaı-aq ıAsaýı kesenesiniń kúmbezindegi jaǵdaıǵa qatysty Mádenıet jáne aqparat mınıstrligi túsinikteme bergenin habarlaǵan bolatynbyz.