ıAsaýı kesenesi mańyndaǵy oqıǵa: polıtseıler joǵalǵan týrıst balany izdep tapty
ASTANA. KAZINFORM – Túrkistanǵa týrıstik saparmen AQSh azamaty Ioannıs Pıkalov otbasymen birge kelgen. Serýen barysynda onyń 6 jasar uly Qoja Ahmet ıAsaýı kesenesi mańynda júrgen kezde joǵalyp ketken.
Balasyn óz betinshe taba almaǵan azamat dereý týrıstik polıtsııa qyzmetkerlerine júgindi.
Polıtseıler aryz túsken sátten bastap jedel áreket etip, izdestirý sharalaryn birden uıymdastyrdy. Tártip saqshylary oqıǵa ornyn jáne jaqyn mańdaǵy aýmaqtardy tolyq tekserip, beınebaqylaý kameralary arqyly balanyń qozǵalys baǵytyn anyqtady. Sonymen qatar jaqyn mańdaǵy nysandar, onyń ishinde saýda oryndary tekserilip, patrýldik jasaqtarǵa naqty baǵyt-baǵdar berilip, úılesimdi jumys júrgizildi.
Jedel qabyldanǵan sharalardyń nátıjesinde balaqaı birneshe saǵat ishinde jaqyn mańdaǵy dúkenderdiń birinen aman-esen tabylyp, ata-anasyna tabystaldy.
Sheteldik azamat polıtsııa qyzmetkerleriniń jedeldigi men kásibıligine alǵysyn bildirdi.
Eske sala keteıik, Aqtóbede ózenge qulap ketken balanyń denesi 20 kúnnen soń tabyldy.
