ıAsaýı kesenesi aýmaǵynda 20-dan astam beınebaqylaý kamerasy istemeı tur
TÚRKІSTAN. KAZINFORM – Áziret Sultan ulttyq tarıhı-mádenı mýzeı-qoryǵy aýmaǵynda jáne onyń qorǵaý aımaǵynda barlyǵy 39 beınebaqylaý kamerasy ornatylǵan.
Qala ákimdiginiń málimetine súıensek, ıAsaýı kesenesiniń aýmaǵyn abattandyrý jumystary aıasynda qosymsha 48 kamera qoıylǵan.
– Qazirgi tańda beınekameralardyń 27-si jumys istep tur. Al 21 kamera jóndeýdi qajet etedi nemese múlde isten shyqqan. Atalǵan qurylǵylar Túrkistan qalasy ákimdiginiń ınfraqurylym jáne kommýnıkatsııalar bólimi teńgeriminde, – delingen ákimdik usynǵan málimette.
Budan bólek ishki ister organdarynyń «Sergek» júıesi arqyly ornatylǵan 7 beınekamera jumys istep tur.
– Aldaǵy ýaqytta beınebaqylaý júıelerin kezeń-kezeńimen jańartý jáne tolyqtyrý jumystary qarastyrylady, – dep málimdedi vedomstvo ókilderi.
Budan buryn habarlaǵanymyzdaı, bıyl 15 aqpannan bastap Qoja Ahmet ıAsaýı kesenesiniń aýmaǵy qorshalyp, kelýshilerdiń kirýi arnaıy ornatylǵan eki týrnıket arqyly júzege asyryla bastady.
